स्पिन कु असरदार सरदार सदनि रालु याद

सर्या दुन्या म महान बैं हत्था क स्पिनर बिशन सिंह बेदी न दुन्या क बड़ा बड़ा बल्लेबाजु तैं अपडि स्पिन गेंदबाजी न पाणि पिलैं। भारतीय क्रिकेट क पैल्यक कप्तान 77 साला उमर मा लम्बी बिमरि बाद 23 अक्टूबर 2023 खूंणि हमर बीच बटि चलिग्येन। बिशन सिंह बेदी कु जनम 1946 मा अमृतसर मा ह्वैं बिशन सिंह बेदी न भारत खूंणि 1966 बटि 1979 तक टेस्ट क्रिकेट खेलि। बेदी न 67 टेस्ट मैच मा266 विकेट लिन। उन्न एक पारी मा 14 बार पांच विकेट अर एक मैच मा 10 विकेट बि लिन। भारतीय क्रिकेटा स्पिन चौकड़ी कु सर्या दुन्या मा हाम छायीं। यीं चौकड़ी मा इरापल्ली प्रसन्ना, श्रीनिवास वेंकटराघव अर भागवत चंद्रशेखर सामिल छायीं। चर्या स्पिनर न कुल मिलैकि 231 टेस्ट ख्यलिन अर 853 विकेट निकलिन। स्पिना बादशाह बिशन सिंह बेदी न 67 टेस्ट मैच अर 10 एक दिनाक कु क्रिकेट खेलि। उन्न एकदिवसीय मैच मा 7विकेट लिन।

यीं न बिशन सिंह बेदी क नौ फर विश्वकप मा एक इन्नु रिकॉड बि च जु अबि तक क्वीं बि नी तोड़ि साकी। बेदी न यु रिकॉर्ड 1975 मा बणैं छायीं। वु रिकॉर्ड च एक दिनकु क्रिकेट मैच मा सबसे जादा मेडन ओवर फ्यकणा कु च। बिशन सिंह बेद न 11 जून 1975 खूंणि इंग्लैण्ड मा ईस्ट अफ्रीका क खिलाप बण्यें छायीं। बिशन सिंह बेदी न 12 ओवर म बटि 8 ओवर मा एक बि रन नीं द्यायी अर एक विकेट बि ल्यायी।

बैं हत्था क स्पिनर बेदी स्पिन जादुगर छायीं, वु स्पिन गेंदबाजी क हर कला तैं जणदा छायीं जन्न की तेजी म बदलाव करण हूयां या अलग अलग तरौं क गेंदबाजी हूयां। उंकी फ्लाइट, आर्मबॉल अर अचाणचक चकमा देंण वलि गेंदबाजी अच्छा अच्छा बल्लेबाजु तैं परेशान कायी। इन्न मा यु रिकॉड बि रखें जान्दु कि क्यें गेंद फर जादा विकेट लियेंग्यीन त मामला म आर्मबॉल अर बेदी कु नौ लियें जान्दु।

आज बेदी हमर बीच मा नीं छन। पर जब बि आर्मबॉल बात होलि त बेदी कु नौ सबसे पैलि लियें जालु। बेदी न स्पिनरू क गुगली ब्वलें जाण वलि गेंद तैं नै जीवन दे। स्पिना सरदार अब हमर बीच मा नीं छन, ऊंकी कमी सदनि राली, पर भारतीय क्रिकेट तैं अगनै बढ़ौंण खूंणि ऊंका कर्यु अमूल्य योगदान तैं सदनि याद करै जालु।