सांसद निधि : अबि बच्यां छन 74.12 प्रतिशत रुप्या

लोकसभा कु कार्यकाल खतम हूंणा मा अब कुछ हि बगत बच्यूं च अर उत्तराखण्ड क सांसदु क 74.12 प्रतिशत बल 95.65 करोड़ रुप्यौं क सांसद निधि अबि बच्यीं च। या बात सूचना अधिकारी मा समणि ऐ।

काशीपुरा रैवासी नदीमउद्दीन एडवोकेट न सूचना अधिकार मा उत्तराखण्डा ग्राम विकास आयुक्त दप्तर बटि सांसद निधि मा खरच हूंया रुप्यौं क बारा मा सूचना मांगि छायीं। जैका जवाब मा लोकसूचना अधिकारी उपायुक्त (प्रशासन) सुधा तोमर न सांसद निधि खर्च कु जुलै 2023 तकाक बारा मा बत्यें अर भारत सरकार क सांसद निधि जारी करण वला नोडल मंत्रालय सांख्यिकी अर कार्यक्रम क्रियान्वयन मंत्रालय क लोकसूचना अधिकारी न सांसद निधि जारी करण क बारा मा बोलि कि सर्या जाणकारी एमपी लैडस वेबसाइट मा बटि मिलि जाली।

वेबसाइट म 12 अक्टूबर 23 तक सूचना तैं निकलणा बाद पता चलि कि अबि सांसदु तैं 77 करोड़ रुप्यौं क सांसद निधि नि मिलि। सूचना क अधार पर अबि उत्तराखण्ड सांसदु तैं 85 करोड़ रुप्यां क सांसद निधि हौरि मिललि।

भारत सरकार बटि मिलण वलि 40 करोड़ा सांसद निधि मा 2.15 करोड़ कु ब्याज जोड़िकि कुल 42.14 करोड़ा सांसद निधि जुलै 2023 तक 11.45 करोड़ क सांसद निधि खर्च नीं ह्वै साकी। अर जु जारी नीं ह्वै वैथैं जोड़िकि कुल 56.45 करोड़ सांसद निधि जु कुल सांसद निधि कु 64.77 प्रतिशत खर्च हूंणा खूंणि बच्यां छन। उत्तराखण्ड मा राज्य सभा क तीन सांसदु क 12 अक्टूबर 23 तक 41.5 करोड़ क सांसद निधि मिलण चैंद छायीं पर उथैं 32 करोड़ क सांसद निधि अबि तक नीं मिलि।
12 अक्टूबर 23 तक लोकसभा सांसदु तैं 17-17 करोड़ रुप्या मिलण चैंद छायीं। हरद्वार सांसद डॉ. रमेश पोखरियाल निशंक, नैनीताल सांसद अजय भट्ट, पौड़ी सांसद तीरथ सिंह रावत तैं 7-7 करोड़ अर अल्मोड़ा सांसद अजय टम्टा, टिहरी सांसद माला राजलक्ष्मी तैं 9.5 – 9.5 करोड़ क सांसद निधि अक्टूबर 23 तक मिलिग्यें। ऊतैं अबि 10 करोड, अर 7.5 करोड़ रुप्यौं क सांसद निधि हौरि मिलण।

सांसदु तैं जु पैसा मिलि वै मा बि अबि सांसद निधि खर्र्च हूंणू बाकी च। हरद्वार सांसद रमेश पोखरियाल तैं 17.29 रुप्यौं बटि 4.83 करोड़ रुप्या खर्च ह्वीं, बल 72.21 प्रतिशत पैसा अबि खरच नीं ह्वै। त नैनीताल सांसद अजय भट्टा क 17.29 करोड़ सांसद निधि म केवल 6.69 करोड़ रुप्या खर्च ह्वीं, बल 10.6 यानि 61..31 करोड़ रुप्यां अबि बच्यां छन।

पौड़ी सांसद तीरथ सिंह रावता कुल सांसद निधि 17.33 करोड़ म बटि 3.7 करोड़ खरच ह्वीं मतलब अबि 13.63 करोड़ खर्च ह्वीं बल 78.65 प्रतिशत रुप्या अबि बच्यां छन। अल्मोड़ा अजय टम्टा क सांसद निधि कुल 17.08 करोड़ रुप्यौं म बटि 7.84 करोड़ रुप्या खरच ह्वीं बल 9.24 करोड़ रुप्या बच्यां छन मतलब 54.10 प्रतिशत रुप्यां अबि बच्यां छन।
टिहरी सांसद माला राजलक्ष्मी शाह क 18.01 करोड़ रुप्यौं म बटि कुल 7.64 रुप्यां अबि तक खर्च ह्वीं त 10.43 करोड़ रुप्या बल 57.72 प्रतिशत अबि खर्च हूंणा खूंणि छन।

राज्य सभा सांसद डॉ. कल्पना सैनी क कुल सांसद निधि 7.5 करोड़ रुप्यौं म बटि 0.05 करोड़ खरच ह्वीं यानी 99.33 प्रतिशत अर अनिल बलूनी क 22.4 म बटि 1.95 करोड़ खर्च ह्वी यानि 20.45 बच्यां छन मतलतब 91.29 प्रतिशत, नरेश बंसल क 12 करोड़ रुप्यौं म बटि 0.7 करोड़ रुप्यां खर्च ह्वी मतबल 11.3 करोड़ यानी 94.17 प्रतिशत सांसद निधि खर्च हूंणा खूंणि अबि बचीं च।