प्रधानमंत्री कु सर्या उत्तराखण्ड क दगड़ खास लग्यार (लगाव) च: मुख्यमंत्री धामी

देरादूण। मुख्यमंत्री धामी न प्रधानमंत्री कु पिथौरागढ़ दौरा क बाद दख्ययां सुपिनौं (विजन) तैं पूरू करणा खूंणि शासना उच्चाधिकारियौं तैं निर्देश दीं।

ऐ बारा मा मुख्यमंत्री न आज मुख्यमंत्री आवास मा अधिकारियौं क बैठक ल्यायी अर सीमावर्ती तोक मा हूंण वला विकासा कामु तैं पैलि अर पूरू करणा का निर्देश दीं।

मुख्यमंत्री न बोलि कि प्रधानमंत्री कु सर्या उत्तराखण्ड क दगड़ खास लग्यार (लगाव) च। उन्न बोलि कि प्रधानमंत्री मोदी क नेतृत्व अर डबल इंजना सरकार उत्तराखण्ड तैं साल 2025 तक देसा सबि प्रदेसु मा अग्वानया (अग्रणी) बणौंणा खूंणि पूरि तरौं तय्यार च। हमथैं ऐ दिसा मा पूरि मेनत अर लगन से मिसेण (लगना) प्वाड़ळु।

ऐ मौका पर अपर मुख्य सचिव श्रीमती राधा रतूड़ी, सचिव मुख्यमंत्री आर. मीनाक्षी सुन्दरम, शैलेश बगोली, विनय शंकर पाण्डेय, महानिदेशक सूचना बंशीधर तिवारी अर हौरि उच्चाधिकारी बि छायीं।