प्रधानमंत्री मोदी न करिन जागेश्वर धाम अर आदि कैलाशा दर्शन

पिथौरागढ़। प्रधानमंत्री नरेन्द्र मोदी न आज उत्तराखण्ड जागेश्वर धाम मा पूजा अर्चना कायी अर प्रदेसा सबि रैवासी राजी खुसी रैयां या कामना कायीं। प्रधानमंत्री मोदी न जागेश्वर धामा गर्भगृह मा 7 मिनट तक पूजा कायी अर बाबा जागेश्वर दर्शन करिन। यांका बाद प्रधानमंत्री न पुष्टिमता, महामृत्युंजय अर केदारनाथ मा पूजा कायी। प्रधानमंत्री न मंदिर मा लग्यूं अर्धनारेश्वर वृक्ष (डाळु) तैं बि देखि।

ऐ मौका फर मुख्यमंत्री धामी न प्रधानमंत्री तैं तुरही, ताम्र जागेश्वर अर डमरू भेंट कायी।

यां से पैलि प्रधानमंत्री न आदि कैलाशा दर्शन करिन अर पार्वती कुण्ड मा पूजा कायी। प्रधानमंत्री मोदी न द्विया हत्थ जोड़िकि देसा सबि रैवासी राजी खुसी रैयां या कामना कायीं।

प्रधानमंत्री न गुंजी मा आईटीबीपी अर बीआओ क ज्वानु दगड़ मुखा भेंट बि कायी। गुंजी गौ का लोग प्रधानमंत्री तैं अपड़ा बीच मा देखिक बौत खुस छायीं ।

प्रधानमंत्री न रं समाज कल्याण समिति के लोगु से बि मुखाभेंट कायी। प्रधानमंत्री गुंजी गौं मा गौं क लोगुक लग्यीं प्रदर्शनी तैं बि देखि।