समग्र शिक्षा उत्तराखण्ड अर स्विस एजुकेशन ग्रुप, स्विटजरलैण्डा बीच मा व्यावसायिक शिक्षा कु पाठ्यक्रम बणौंणा कु ह्वै करार

देरादूण। मुख्यमंत्री धामीन आज सचिवालय मा समग्र शिक्षा उत्तराखण्ड मा समग्र शिक्षा उत्तराखण्ड अर स्विस एजुकेशन ग्रुप, स्विटजरलैण्डा बीच करार कर्यें ग्यें।

स्विस एजुकेशन ग्रुप प्रदेस मा विद्यार्थियों खूंणि व्यावसायिक शिक्षा कु पाठ्यक्रम तैं औरि अच्छु बणौंणा मा मदत करालु। उत्तराखण्ड म कक्षा 9 बटि 12 तकाक इस्कुलया नौन्यालु खूंणि पर्यटन अर हॉस्पिटैलिटी क क्षेत्र मा काम सिखौंणा खंूणि राज्य परियोजना निदेशक, समग्र शिक्षा बंधीधर तिवारी अर स्विस एजुकेशन ग्रुप क एग्जीक्यूटिव डायरेक्टर हिराज आर्टिनियन न समझौता फर दस्तखत करिन।

ऐ मौका फर मुख्यमंत्री धामीन बोलि कि प्रदेस मा पढै़ करण वला नौन्यालु तैं व्यावसायिक शिक्षा क जरिया पर्यटन अर हॉस्पिटैलिटी क क्षेत्र मा बेत्तर काम सिखौंणा खूंणि जु समझौता ह्वै वु आण वलु बगत मा मील कु पत्थर साबित होलु। उन्न बोलि प्रदेस सरकार पर्यटन तैं बढ़ौंणा देंणा खळाखळ कोसिस करणि च। धार्मिक, आध्यात्मिक अर साहसिक पर्यटन क दगड़ ईको टूरिज्य तैं बि अगनै बढ़ौंणा कु काम कर्यें जाणु च। मुख्यमंत्री धामी न समझौता करण वला अभयदास महाराज कु अभार बोलि। बतैं दियां कि चार मैना पैलि यांका बारा मा मुख्यमंत्री अर अभयदास महाराज क बीच मा छ्वीं हूयीं।

ऐ मौका अपर मुख्य सचिव राधा रतूड़ी, सचिव विद्यालयी शिक्षा रविनाथ रमन, राज्य परियोजना निदेशक, समग्र शिक्षा बंशीधर तिवारी, स्विस एजुकेशन ग्रुप बटि सूर्य प्रताप सिंह भाटी, अपर राज्य परियोजना निदेशक, समग्र शिक्षा डॉ. मुकुल कुमार सती भि छायीं।