राज्य आन्दोलनकारियों क संघर्ष अर शहादत क कारण आज हमथैं उत्तराखण्ड राज्य मिलि : मुख्यमंत्री धामी

देरादूण। मुख्यमंत्री धामी न आज शहीद स्मारक देरादूण मा राज्य आंदोलनकारियों शहीदु तैं श्रद्धांजलि द्यायी। मुख्यमंत्री न बोलि कि उत्तराखण्ड राज्य आन्दोलनकारियों कु संघर्ष क नतिजा च की हमथैं नै प्रदेस मिलि। उन्न बोलि उत्तराखण्ड तैं शहीद राज्य आन्दोलकारियों कु सुपिनौं जनु प्रदेस बणौंणा कोसिस प्रदेस सरकार करणि च। मुख्यमंत्री न बोलि कि 2 अक्टूबर 1994 खूंणि उत्तराखण्ड प्रदेसा मांग करणा हमर ज्वान दगड़ियौं अर मां-बैणियों क दगड़ म मुजफ्फरनगर मा नखरू बर्ताव कर्यें ग्यायी, कतगै लोगु शहीद ह्वैग्यीन। ऊंकै संघर्ष अर शहादत क कारण आज हमथैं यु राज्य मिलि। उन्न बोलि प्रदेस सरकार राज्य आन्दोलनकारियौं क भलै खूंणि सदिन त्यार च।

ऐ मौका फर देरादूणा मेयर मेयर सुनील उनियाल गामा, विधायक खजानदास अर जिलाधिकारी देरादूण श्रीमती सोनिका बि छायीं।