इन्वेस्टर्स समिट से पैलि प्रदेस मा राजनीति ह्वै सुरु
देरादूण। पैल्यक मुख्यमंत्री त्रिवेन्द्र सिंह रावत इन्वेस्टर्स समिट क बढ़ैं करणा छन अर प्रदेसा मा हूंण वलु इन्वेस्टर्स समिट तैं बौत अच्छु बतौंणा छन। त्रिवेन्द्र ब्वना छनकि मितैं उमेद च बल उत्तराखण्ड मा निवेश करण वला जरूर आला।
त्रिवेन्द्र सिंह रावत ब्वना छन कि इन्वेस्टर्स तैं ग्लोबल इन्वाइट कर्यें जाणु च। जैमा भारत हि ना बल हौरि देसु क निवेशक तैं बि न्यूते (आमंत्रण) ग्यायी। उन्न बोलि जु अबि तक अपड़ा देस बटि भैर नि निकला छायीं , आज ऊतैं भारत देसा बजार तैं देखिकि लगुण, अर सर्या इन्वेस्टर यख आण चाण छन। अब इन्वेस्टर समिट क जरिया इन्सेस्टर उत्तराखण्ड मा ऐकी निवेश कराला।
वखि कांग्रेस नेता अर पैल्यक मुख्यमंत्री हरीश रावत प्रदेस मा इन्वेस्टर्स समिट उर्यौंण फर सवाल खड़ा करणा छन। उन्न बोलि यां से पैलि बि इन्वेस्टर्स समिट ह्वै छायीं। वै समिट न हमरि जमीन लुच्छी याली। उत्तराखण्डा गौ-गौ म पैसा ऐ अर हमरि जमीन बिक ग्यायी, वख वंतरा जन रिजॉर्ट बणि ग्यींन।
यां से हमरि संस्कृति खतरा मा पोड़िग्ये। उन्न बोलि बल हमरि बची संस्कृति तैं , हे भगवान दूसर समिट क बाद बचैं दियां।
बतै दिया अज्काल इन्वेस्टर्स समिट तैं लेकैकि प्रदेस म त्यारि जोर से हूंणि च। हर प्रदेसा मुख्यमंत्री धामी जी निवेशकु तैं न्यूतणा (आमंत्रित) खूंणि लंदन मा छन।