अपर मुख्य सचिव न कायी विधानसभा तोक मा हूयाँ विकासा कामु क समीक्षा

देरादूण। अपर मुख्य सचिव राधा रतूड़ी न आज सचिवालय म विधानसभा तोक म हूयाँ विकासा कामु क समीक्षा कायी। उन्न बोलि कि सबि विभागु क अधिकारी अगनै बढ़िकि काम तैं पूरु करणा क तारिख तय कर्यां अर मुख्यमंत्री क सुपिन तैं पूरु करणा खंूणि जिम्मेबरि लियां।

बैठक म संस्कृति अर धर्मस्व, उच्च शिक्षा, प्राविधिक शिक्षा, तकनीकी शिक्षा, खेल, पर्यटन, राजस्व, गृह, ऊर्जा, ग्राम्य विकास, आपदा प्रबन्धन, सूचना प्रौद्योगिकी, वन अर पर्यावरण विभागा क कामु क समीक्षा कर्यें ग्यायी। अपर मुख्य सचिव न वन अर हौरि विभागु तैं प्रदेस म वन गुर्जरू, बोक्सा जनजाति अर घुमन्तु जनजातियौं तैं सुविधा दियें जाणा अर ऊं खूंणि विकासा कामु करणा क निर्देश दीं।

सूचना अर प्रौद्योगिकी विभाग तैं पाड़ मा खास कैकि चारधाम जातरा मा नै टावर लगौंणा कु काम तैं झट पूरु करणा खूंणि ब्वलें ग्यायी।

अपर मुख्य सचिव न आपदा प्रबन्धन विभाग तैं आपदा सुरक्षा क बारा म काम अर ग्राम्य विकास विभाग तैं पीएमजीएसवाई योजना क जरिया सड़क टमणा कु नै सड़क बणौंणा कु काम तैं बगत मा पूरु करणा खूंणि बोलि।

समीक्षा बैठक मा अपर सचिव सविन बंसल, श्रीमती रंजना राजगुरू अर विभागौं क अधिकारी छायीं।