पर्यटन मंत्री महाराजन पर्वतारोहण दल तैं झण्डा दिखैकि फट्यायीं

देरादूण। पर्यटन मंत्री सतपाल महाराजन आज उत्तराखण्ड पर्यटन विकास परिषद, गढ़ीकैन्ट म भारतीय पर्वतारोहण संघ नै दिल्ली अर उत्तराखण्ड पर्यटन विकास परिषद न मिलिकि उर्यूं बंदरपूंछ 6316 मीटर अर भागीरथी द्वितीय 6512 मीटर पर्वत पर पर्वतारोहण अभियान तैं झण्डा दिखैकि फट्यायीं।

पर्यटन मंत्री सतपाल महाराजन न बंदरपूंछ अर भागीरथी डांडौं पर पर्वतारोहण टोळा तैं झण्डा दिखै अर अभियान पूरू करणा क शुभकामना द्यायी।

सतपाल महाराजन बोलि कि इन्न आयोजन कु मकसद साहसिक खेलु तैं बढ़ावा देंणा हून्द। उन्न बोलि इन्ना आयोजनु से साहसिक पर्यटन तैं अगनै औंणा कु अर प्रदेसा रैवासियौं तैं रुजगार कु मौका बि मिलदु।

महाराजन बतै बल नालंग-जादुंग तोका तैं सरकार न पर्यटन खूंणि खोलि याली। महाराजन बोलि क क्लाईमेंटाइजेशन तैं ध्यान मा धैरिक जातरा कर्यें ज्यां।

ऐ मौका फर आईएमएफ स अध्यक्ष श्रीमती हर्षवंती बिष्ट, सचिव पर्यटन सचिन कुर्वे, प्रधानाध्यापक आईएमएफ अंशुमान भदोरिया अर कर्नल अविनाश पुण्डीर बि छायीं।