श्रीनगर म डेंगू क धपाक (डंक), 100 मरीजु ह्वै जांच, 60 थैं निकलि डेंगू
पौड़ी। श्रीनगर गढ़वाल बेस अस्पतालम औंणा डेंगु क मरीजु तैं देखिकि स्वास्थ्य मंत्री धन सिंह रावता ब्वन फर अस्पताल प्रशासन क अर जिला प्रशासन कु ऐ टोळा देख-रेख खूंणि बण्यें ग्ये।
त दूसर तरफा जिलाधिकारी न एसडीएम श्रीनगर क नेतृत्व म जिला कु एक टोळा बण्यें कि बेस अस्पतालम डेंगु वार्ड तैं देय्खणा खूंणि भेजि। जैमा एसडीएम श्रीनगर नुपूर वर्मा अर दला हौरि सदस्यौं न अस्पताल क डेंगू वॉर्ड अर लैब म पौंछिकि निरीक्षण कायी।
निरीक्षण टोळा क सदस्यु न अस्पताळ म मरीजु ऐ बात कायी। एसडीएम न मेडिकल कॉलेज क प्राचार्य डॉ. सी एम एस रावता दगड़ डेंगू क बारा मा बात कायी अर दगड़ म डेंगु से बचणा बारा म औरि क्य-क्य कर्यें जै सकदु यांका बारा मा जाणकारि ल्यायी।
एसडीएम श्रीनगर नुपूर वर्मा न बतै कि डीएम गढ़वाल क ब्वन फर जिला सर्विलांस अधिकारी, जिला मलेरिया अधिकारी अर हौरि लोगुन बेस अस्पताळ क डेंगू वॉर्ड कु निरीक्षण कायी। उन्न बोलि ब्यालि 100 टेस्ट हूंयीं, जैमा 60 मरीजु थैं डेंगू छायीं। उन्न बतै प्रशासन तरफ बटि लोगु थैं डेंगु क बारा मा जाणकारि दियें जाणि च अर नगर निगम दल फॉगिंग करणु च।
निरीक्षण टोळा न सदस्य चिकित्सा अधिीक्षक डॉ. रविन्द्र बिष्ट न बतै कि डेंगू खूंणि आदिम अर ब्यटुळौं खूंणि 30 खटुळौं क वॉर्ड छन। 10 खटुळा नौन्याळु खूंणि बण्यां छन।
उन्न बोलि अस्पताळु म डेंगु क जांच करणा पूरू बन्दबस्त च अर प्लेटलेट्स कु बि पुरू बन्दबस्त च। उन्न बतै अबि बेस अस्पताळ म 20 डेंगु क मरीज भर्ति छन जैमा तीन बच्चा छन।