मुख्यमंत्री धामीन पंडित गोविंद बल्लभ पंत तैं द्यायी श्रद्धांजलि
देरादूण। मुख्यमंत्री धामी न भारत रत्न पंडित गोविंद बल्लभ पंत तैं उंकु जन्मबार पर याद कायी अर उंका चित्र पर फुळ चढ़ै कि श्रद्धांजलि द्यायी।
मुख्यमंत्री न बोलि कि भारत रत्न स्व पंत एक महान स्वतंत्रा संग्राम सेनानी, देशभक्त, समाज सेवी अर कुशल प्रशासक छायीं। उन्न बोलि बल पंडित पंत न देस तैं नै दिसा दिंणा क दगड़ा दगड़ि कुली बेगार प्रथा अर जमींदारी उन्मुलन जन्नि बुरै तैं खतम करणा खूंणि बौत बड़ी भूमिका निभै।
उन्न बोलि कि हिंदी तैं राजभाषा कु दर्जा अर उत्तरप्रदेश क पैलु मुख्यमंत्री अर देसा गृहमंत्री रैन्दा नै भारत बणौंणा मा बौत बडु काम कायी। उंकु संघर्ष अर नेतृत्व सबि देसा रैवासियौं खूंणि सदनि प्रेरणा दिंणु रालु।