यूकेएसएसएससी भर्ति घपरोळ कु आरोपी हाकम सिंह तैं सुप्रीम कोर्ट बटि जमानत मिलिग्ये
देरादूण। यूकेएसएसएससी भर्ति घपरोळ कु मास्टर मांइड हाकम सिंह क दगड़ म तीन हौरि लोगु तैं जमानत मिलिग्ये। जज ए एस बोपन्ना अर प्रशान्त कुमार मिश्रा न बैस सूंणा क बाद हाकम सिंह क दगड़ मा तीन हौरि लोगु तैं जमानत मंजूर कै दे।
उत्तराखण्ड मा यूकेएसएसएससी भर्ति इमत्यानु कु पेपर लीक मामला मा एक साल बटि जेल मा बंद हाकम सिंह तैं सुप्रीम कोर्ट न जमानत दे याली।
सुप्रीम कोर्ट व वकील ऋतुपर्ण उनियाल न बतै कि हाकम सिंह क दगड़ विपिन बिहारी अर शशिकांत तैं बि जमानत मिलिग्ये।
सुप्रीम कोर्ट मा प्रदेस सरकार न जमानत कु बौत विरोध कायी अर बोलि कि यीं लोग केस तैं प्रभावित कै सकदन। हाकम सिंह वकील न बोलि ट्रायल मा बौत देरी ह्वै अर ऊतैं एक साल बटि जेल मा रख्यें ग्यायी इल्लै ऊतैं जमानत दियें ज्यां। द्विया पक्षु क बैस (बहस) सूंणा क बाद सुप्रीम कोर्ट न हाकम सिंह अर तिन्या लोगु तैं जमानत दे द्यायी।