भोले क जयकारौं क दगड़ निकळि शिवजी क बरात

देरादूण। भोलेनाथ क जयकारौं क दगड़ आज देरादूण मा शिवजी क बरात निकलें ग्यायी। जैमा मा चन्द्रयान -3 क झांकी खास छायीं। जगा-जगा शिवजी क बरात मा प्रसाद बंटेणु छायीं।

आज सुबेर साढे़ ग्यारह बजि मुख्यमंत्री धामी, कैबिनेट मंत्री गणेश जोशी, विधायक खजान दास अर मेयर सुनील उनियाल शिवाजी धर्मशाला पौंछिन। जख टपेकश्वर महादेव मंदिरा महंत कृष्ण गिरी न पूजा कायी अर शिवजी क बरातै सुर्वात कायी।
शिवाजी धर्मशाला मा गाजा-बाजौं क दगड़ शिवजी क बरात निकली। शिवजी क बरात मा हैली कॉप्टर बटि फळु क बरखा कैकि बरति कु स्वागत कर्यें ग्यें। शिवजी बरति मा भूत पिचास बण्यां नौंना नचणा छायीं। शिवजी क बरात शिवाजी धर्मशाला बटि, सहारनपुर चौक, झण्डा बजार, पिपलमंडी, राजा रोड ह्वैकि शहर कोतवाली मा पौंछि जख गणपति युवा सेवा समिति मोती बाजार क पदाधिकारियौं न शिवजी क बरतियौं कु फुळुन स्वागत कायी अर राजमा भात कु प्रसाद बांटि।
कोतवाली बटि बरात पल्टन बजार ह्वैकैकि घंटाघर चकरौता रोड़ ,गढ़ी ह्वैकिक टपकेश्वर महादेव मन्दिर मा पौंछि जख शिवजी क बरति कु स्वागत कर्यें ग्यें ।