शिक्षा विभाग मा 2364 पदु मा होलि भर्ति

देरादूण। उत्तराखण्ड क शिक्षा विभाग मा 2364 पदु मा भर्ति होलि। या भर्ति आउटसोर्सिग जरिया कर्ये जाली। यीं भर्ति क जरिया पैलु मौका गौं का बरोजगारू तैं दिये जालु।

बतै दियां कि शिक्षा विभाग प्रदेसा मा 2364 पदु मा भर्ति सुरू करणु च। भर्ति मा पैलि गौं का बेरोजगारु तैं मौका दिये जालु अर गौं मा क्वीं नी मिललु त इस्कुला न्याय पंचैत क बेरोजगार तैं मौका दिये जालु।

महानिदेशक शिक्षा बंशीधर तिवारी न बतै कि आउटसोर्स एजेंसी क खोज खूंणि प्रक्रिया सुरु कर्यें जाणि च। उन्न बोलि की भर्ति खूंणि मानक तय ह्वैग्यीन। आउटसोर्स क आधार पर शिक्षा दप्तर मा 334 पदु मा भर्ति कर्यें जाली। अर 2030 पदु फर भर्ति इस्कुल मा कर्यें जाली।