मुख्यमंत्री न लोगुक दिक्कत सूंणि अर समाधान खूंणि निर्देश दीं

देरादूण। मुख्यमंत्री धामीन आज मुख्यमंत्री आवास मा प्रदेस बटि अयां लोगुक दिकदारि तैं सूंणि। ऐ मौका फर ळोगुन स्वास्थ्य , सड़क अर रोजगार जन्नि दिकदारि क बारा मा मुख्यमंत्री तैं बतै।

मुख्यमंत्री न जादा तर दिक्कतु क समाधान खूंणि मुख्यमंत्री न अधिकारियौं तैं निर्देश दीं। मुख्यमंत्री न बोलि कि लोगु क दिकदारि कु समाधान झट हूयां या खूंणि जिलाधिकारियों तैं द्वी घंटा रोज लोगुक दिक्कत सूंणणा क निर्देश दियां छन।

मुख्यमंत्री न बोलि कि वु जब बि जनपदु मा घुमघाम मा जन्दिन त लोगु से सरकरि योजनौं क बारा मा जाणकारि लिन्दन।

मुख्यमंत्री बोलि कि मुख्यमंत्री दप्तर मा अधिकारियौं तैं आदेश छन कि जतगा बि शिकैत अर दिकदारि क समस्या आन्दिन ऊंका समाधान खूंणि जै विभाग से शिकैत च झट भेज्यें ज्यां। मुख्यमंत्री न बोल कि शिकैत मुख्यमंत्री हेल्प नम्बर 1905 मा बि दर्ज कर्यें जै सकद या फर दर्ज शिकैत ठीक करणा बन्दबस्त च।

ऐ मौका अयीं बैणियौं न मुख्यमंत्री तैं रखड़ी बांधि अर मुख्यमंत्री राजि खुसी रैंया इन्नि भगवान से प्रार्थना कायी।

ऐ मौका फर मुख्यमंत्री न सबि प्रदेसा रैवासियौं तैं रखड़ी बधै दे।

ऐ मौका फर अपर मुख्य सचिव श्रीमती राधा रतूड़ी, सचिव एस. एन. पाण्डे, आईजी के.एस. नगन्याल बि छायीं।