ऊधमसिंह नगरा जिला पंचायत राज अधिकारी निलंबित, महाराजन दीं आदेश

देरादूण। प्रदेसा पंचायती राज अर ग्रामीण निर्माण मंत्री सतपाल महाराजन ऊधमसिंह नगरा जिला पंचायत अधिकारी (डीपीआओ) रमेश चन्द्र त्रिपाठी तैं निलंबित करणा आदेश आदेश दे याली।

बतै दियां कि रमेश चन्द्र त्रिपाठी तैं विजिलेंसा टीम न घूस लिन्दा पकड़ि छायीं। जै फर महाराजन विभागा बड़ा अधिकारियों तैं पंचायत अधिकारी रमेश चन्द्र त्रिपाठी तैं निलंबित कैकि ऊंका खिलाप जांच करणा क आदेश दे दीं।

सतपाल महाराजन बोलि भष्टाचार अर घूस लेंणू वलु अधिकारी कतै नी बचण चैंद। उन्न बोलि कि उधमसिंह नगर क डीपीआरओ रमेश चन्द्र त्रिपाठी तैं विजिलेंस क टोळा न घूस लिन्दा पकड़ि छायीं। महाराजन बोलि कि उन्न विभागीय बड़ा अधिकारियों तैं रमेश चन्द्र त्रिपाठी क निलंबित कैकि ऐ मामला मा जांच करणा क आदेश दे याली।