प्रियंका डंगवाल न कायी केरल आईआईटी टॉप

देरादूण। उत्तराखण्ड नौनि प्रियंका डंगवाल न गोल्ड मेडल क दगड़ मा केरल आईआईटी मा कायी टॉप।

प्रियंका तैं मिडल मिसाईल मैन व इसरो क चेयरमैन एस. सोमनाथ न द्यायी।
प्रियंका मद्रास आईआईटी बटि इलेक्ट्रिकल मा एमटेक करणि च। प्रियंका क यीं उपलब्धि पर सर्या उत्तराखण्ड गर्व करणु च।

उन्न त प्रियंका कु मूल टिहरी गढ़वाल च पर अबि वींका ब्वै-बुबा देरादूण मा रैंणा छन। प्रियंका न दून ब्लासम मा पढ़ै कायी , वींका 10 मा 98.5, 12 मा 98 प्रतिशत नम्बर छायीं।

प्रियंका न बोलि कि नौनि, नौंनो से कम नी छन, बस अपडु उद्देश्य अर रसता सै हूंण चैंद। प्रियंका न बोलि कि यां खूंणि मिथैं ब्वै-बुबा कु मदत मिलि, जां से मि आज यख तक पौंछी सक्युं।