जून (चन्द्रमा ) मा उतरी ग्यें चन्द्रयान-3, प्रधानमंत्री न द्यायी बधै

देरादूण। हमर देसा वैज्ञानिकौं न आज वु कै याली, जै फर आज सर्या देसा मुण्ड ऊच्चु ह्वैग्यायी।

हमरु चन्द्रयान-3 जून (चंद्रमा) मा उतरी ग्यायी। इन्नु करण वळु भारत दुुन्या मा पैलुु देस बणिग्यें। इन्नु इल्लै कि जून फर आज तक जतगा बि मिशन भ्यजेंग्यींन, वैमा कै बि मिशन कु उद्देश्य चंद्रमा कु दक्षिण धु्रव नी छायीं। चन्द्रमा कु यु इलाका बौत कठिण परिस्थितियौं वलु मन्यें जान्द।

आजै तारिख इतिहास मा दर्ज ह्वैग्येें। आज हमर देसा वैज्ञानिकौं क यीं कामयाबी फर सर्या देस गर्व करणु च। चांद मा भारता कु यु तिसरु मिशन च। यां से पैलि 2019 मा हमरू मिशन चंद्रयान-2 चन्द्रमा मा पौंछिग्यें छायीं त आखरि बगत मा कुछ गड़बड़ि ह्वैग्यें।

चंद्रयान-3 क चंद्रमा फर पौंछण क बाद प्रधानमंत्री न इसरो क वैज्ञानिकौं क् दगड़ मा सर्याा देस तैं बधै दे अर बोलि या देस खूंणि गर्व कु बगत च। प्रधानमंत्री न बोलि जब मेरी सबि कुटुम्दरि अपड़ि आंख्यिौं क समणि इन्नु इतिहास बणदा दय्खद त जीवन धन्य ह्वै जान्द। प्रधानमंत्री न बोलि मि चन्द्रयान टोळि तैं, इसरो तैं अर देसा सबि वैज्ञानिकु तैं बधै देन्दु जौन ये बगत खूंणि सालु मेनत कायी।