मुख्यमंत्री धामीन नै दिल्ली मा केन्द्रीय ऊर्जा मंत्री आर .के सिंह क दगड़ कायी भेंट

देरादूण। मुख्यमंत्री धामीन आज नै दिल्ली मा केन्द्रीय ऊर्जा मंत्री आर .के सिंह से मुलाकात कायी अर उत्तराखण्ड तैं क्वीला (कोयला) संयंत्रु तैं 400-450 मे.वा. आवंटन करणा खूंणि विनति कायी।

मुख्यमंत्री न आपदा मा हूयां नुकसान विद्युत लैन अर टावरू तैं दुबरा लगौंणा खूंणि केन्द्र सरकार से मदत करण विनति कायी।
ऐ बारा मा केन्द्रीय मंत्री न बोलि कि टूटि लैन कु नुकसान खंूणि केन्द्र सरकार मदत कारली।

मुख्यमंत्री न बॉर्डर एरिया मा विद्यतु लैन अर विद्यतु संयंत्र तैं झटाझट ठीक करणा क विनति कायी। जै खूंणि केन्द्रीय मंत्री न बोलि कि पाड़ि प्रदेसु खूंणि मानकु तैं अलग कैकि बॉर्डर तोक म विद्युत लैन अर विद्युत संयंत्र लग्यें जाला। मुख्यमंत्री न प्रदेस सरकार तैं केन्द्रीय पूल बटि औरि बिजली देंणा मांग बि कायी। उन्न अप्रैल बटि सितम्बर 2023 तक औसत 300 मे.वा बिजली हरेक मैना अनएलोकेटेड कोटा दियें जाणु खूंणि केन्द्रीय मंत्री कु अभार बोलि।

मुख्यमंत्री न बोलि कि केन्द्रीय विद्युत प्राधिकरण क तकनीकी समिति न अपणि रिपोर्ट मा उत्तराखण्ड म बेस लोड क अनुपलब्धता मानि अर बोलि कि उत्तराखण्ड तैं क्वीलौं कु संयंत्रों तैं औरि जादा 400 मे.वा. विद्युत उपलब्धता करौंणा मंजूरि दे याली। केन्द्रीय मंत्री आर. के. सिंह न मुख्यमंत्री धामी तैं जतगा होलि मदत करणा बात बोलि। केन्द्रीय मंत्री किशाऊ बांध बारा मा बोलि कि सबि प्रदसु दगड़ म विचार कैकि सबि दिक्कतु तैं ठीक करणा कु काम कर्यें जालु।

ऐ मौका फर सचिव ऊर्जा भारत सरकार पंकज अरोड़ा, सचिव ऊर्जा, उत्तराखण्ड आर. मीनाक्षी सुंदरम अर एमडी यूपीसीएल अनिल कुमार छायीं।