मुख्यमंत्री न कायी तीन दिनकु सांस्कृतिक अर साहित्यिक कौथिग कु शुभारम्भ
देरादूण। मुख्यमंत्री धामीन बोलि कि सहकारिता मा कैथैं हरौंणा क जगा मा मदत करणा क जगा मा मदत करण क भावना हूंण चैंद किलैकि सहकारिता कै फर क्वीं उपकार नीं च, सहकारिता एक दुसर तैं स्वावलंबी बणौंणा कु काम च।
मुख्यमंत्री धामीन आज दून विश्वविद्यालय मा सहकार भारती कु उर्यूं तीन दिनकु सांस्कृतिक अर साहित्यिक कौथिग सुरू कायी।
मुख्यमंत्रीन सहकार भारती क संस्थापक स्व. लक्ष्मणराव इनामदार तैं समळौंण कायी अर बोलि कि उन्न मूक साधक क तरौं देस खूंणि अपड़ि सर्या जिन्दगि लग्यें दे अर देस मा सहकारिता आंदोलन तैं अगनै बढ़ौंण कु काम कायी। उन्न बोलि कि सहकार भारती न सहकारिता आंदोलन तैं पैळु देस क भाव दगड़ मा अगनै बढ़ौंणा दिसा मा बौत अच्छु काम कायी अर सदनि अपड़ा कामु न या कोसिस कायी कि समाज मा सबि मनखियों तक मदत पौछ्यें ज्यां।
मुख्यमंत्री न बोलि बल सहकारिता मा एक दूसर तैं हरौंणा क जगा मा मदत करणा भावना हंूण चैंद किलैकि सहकारिता कै फर उपकार ना बल एक दूसर तैं स्वावलंबी बणौंणा कु काम च।
मुख्यमंत्री न बोलि नै पीढ़ि खूंणि सहकारिता कु बौत महत्व च किलैकि आजै पीढ़ि बौत जल्दी स्वावलंबी बणण चाणि च। इल्लै सहकार से जसा सुपिनौं तैं सच करणा खूंणि प्रधानमंत्री नरेन्द्र मोदी न सहकारिता मंत्रालय बण्यें। केन्द्रीय गृह अर सहकारिता मंत्री अमित शाह क नेतृत्व मा यु मंत्रालय देस मा सहकारिता आंदोलन तैं औरि जादा कटकुटु बणौंणा खूंणि अलग प्रशासनिक, कानूनी अर नीतिगत ढांचा दिंणु च।
मुख्यमंत्री न बोलि कि प्रदेसा मा सहकारिता विभाग अर वैसे जुड्यां सबि संस्थाओं कु उद्देश्य जिमदरु तैं सस्तु करज देंणा कु च, बल शहरु मा गरीब मनखियौं क जिन्दगि तैं कटकुटु बण्यें कि अगनै बणौंणा बि च।
ऐ मौका फर कैबिनेट मंत्री सतपाल महाराज, डॉ. धन सिंह रावत, सहकार भारती क राष्ट्रीय अध्यक्ष दीनानाथ ठाकुर, मिलेनियम इंडिया एजुकेशन फाउंडेशन क निदेशक डॉ. उदय काकरू, कुलपति दून विश्वविघालय प्रो. सुरेखा डंगवाल बि छायीं।