खतरा मा राम झूला , पुळ पुस्ता कु एक हिस्सा पाणि मा बोगिग्यें

ऋषिकेश। ऋषिकेश मा बण्यूं राम झूला फर भ्वां मा धसणा कु खतरा पैदा ह्वैग्यें। ऐ खतरा तैं देखिक पुलिस प्रशासन न रामझूला म आण-जाण मा रोक लग्यें दे। उत्तराखण्डा पाड़ मा खळाखळ हूंणि बरखा न गंगा मा पाणि बढ़िग्यें। यांन राम झुळा पुळा पुस्ता कु एक हिस्सा पाणि मा बोगिग्यें। सुरक्षा तैं देखिक पुलिसन रामझूला म ळोगुक औंण-जौंण फर रोक लग्यें दें, अर पुळा द्विया तरफि पुलिस लग्यें देें।

बतै दियां कि यु राम झुला पुळ ऋषिकेश मा 1986 मा बण्ये ग्यें छायीं। यु ळोगु खूंणि आस्था कु केन्द्र बण्ये ग्यें।

नरेन्द्र नगर क एसडीएम न बतै कि पर्यटकों क सुरक्षा तैं देखिकि पुळ बन्द करणु हमरि पैलि प्राथमिकता च। उन्न बोलि बरखा क कारण झूळा पुळा पुस्ता बोगिग्यें। पीडब्लूडी क टोळा न निरीक्षण खूंणि भेजि याली। निरीक्षण बाद जु बि रिपोर्ट आली, वैका अधार फर पुळ ख्वलणा कु फैसला कर्यें जालु। अबि हमन बड़ा अधिकारियों तैं जाणकारि देयाली। अर पुळम क्वीं न ज्यां या जिमेबरि पुलिस तैं देयाली।