नै दिल्ली लाल किला मा दिख्यें उत्तराखण्ड संस्कृति क झलक

देरादूण। स्वतंत्रता दिवसा फर आज नै दिल्ली मा लालकिला मा उर्र्यूं कार्यक्रम मा उत्तराखण्ड प्रवासियौं क टोळा न उत्तराखण्ड बेशभूषा मा भाग ल्यायी।

77 वु स्वतंत्रता दिवसा क मौका फर नै दिल्ली मा लाल किला मा ऐसु क साल स्वतंत्रता दिवस समारोह मा सबि प्रदेसु बटि ऊंका प्रवासी रैवासियौं न्यूतयां छायीं।

सूचना एवं लोक सम्पर्क विभाग, उत्तराखण्ड न दिल्ली मा रैंण वला उत्तराखण्डि रैवासियौं तैं लाल किला मा उर्र्यूं कार्यक्रम मा न्यूतयू छायीं। जैमा 45 प्रवासी उत्तराखण्डा रैवासी टोळन स्वतंत्रता दिवसा कार्यक्रम म भाग ल्यायी। टोळा मा साामिल सदस्यौं न बोलि कि लाल किला मा स्वतंत्रता दिवसा मौका फर उत्तराखण्ड प्रदेसा प्रतिनिधित्व करणा फर अप्फु तैं गौरवान्वित करणा छौं।

टोळा सदस्यु मा कमल किशोर, नोडल अधिकारी सूचना विभाग, मदन मोहन सत्ती मीडिया कोर्डिनेटर, दल नायक सुल्तान सिंह चौहान, अर चमन सिंह, श्रीमती लक्ष्मी चौहान, चमन सिंह चौहान, श्रीमती सविता पन्त, श्रीमती सुनिता तोमर, दीवान सिंह बिष्ट, श्रीमती विभा नेगी, जगमोहन सिंह रावत, तारा दत्त जोशी, खजान दत्त शर्मा सामिल छायीं।