मुख्यमंत्री न यमकेश्वर ब्लॉक मा बरखा न हूयां नुकसान कु हवै जाजन कायी निरीक्षण
देरादूण। मुख्यमंत्री धामीन आज पौड़ी जिला मा यमकेश्वर ब्लॉक मा बरखा न हूयां नुकसान कु हवै निरीक्षण कायी।
मुख्यमंत्री न सचिव आपदा रंजीत सिन्हा अर पौड़ी जिलाधिकारी आशीष चौहान तैं जल्दी राहत अर मदत पौंछणा क निर्देश दीं।
मुख्यमंत्री न बोलि कि प्रदेसा मा खळाखळ हूंणि बरखा न तैं देखिक हमतैं चंख (सतर्क) रैंण चैंद। मुख्यमंत्री न बोलि कि प्रदेसा मा खळाखळ हूंणि बरखा क कारण चारधाम जातरा फर 15 अगस्त तक रोक लग्यें ग्यायी। उन्न बोलि जातरा पर नजर रख्यें जाणि च।
मुख्यमंत्री सबि अधिकारियौं तैं बोलि कि प्रदेसा म जख-जख बि सड़क टूटि छल, वख सड़क तैं ठीक कर्यें ज्यां। उन्न बोलि कि आपदा प्रभावितौं तैं झट्ट मदत पौंछयें ज्यां अर जौ जगों मा पाणि भ्वरयूं च वख पैलि पाणि निकलणा कु काम कर्यें ज्यां, यांका दगड़ दवै छिड़कणा पर खास ध्यान दियें ज्यां।
मुख्यमंत्री न बोलि कि हमरि पैलि कोसिस च बरखा न जु बि गंज-मंज हूंयू च वैथैं ठीक करणा क च।