मुख्यमंत्री धामीन ‘मेरी माटी-मेरा देश’ अभियान कार्यक्रम मा भाग ल्यायी अर बोलि उत्तराखण्ड देवभूमि क दगड़ि वीर भूमि बि च

देरादूण। मुख्यमंत्री धामीन आज गुच्चु पाणि देरादूण मा ‘मेरी माटी-मेरा देश’ अभियान क जरिया उर्यूं ‘वीरों का नमन’ कार्यक्रम मा भाग ल्यायी अर अमर शहीदु क समळौंण मा शिलापट कु अनावरण कायी। मुख्यमंत्री न सब्यौं तैं पंच प्रणा सौं दिलैं अर अमृत वाटिका मा डाळु बि लग्यें। ऐ मौका फर पवैत्र माटु तैं हत्थ मा पकड़ि क सौं दिलै अर सेल्फी बि ल्यायी। मुख्यमंत्री न सबि तैं अपड़ि अपड़ि सेल्फी merimaatimeradesh.gov.in मा अपलोड करणा खूंणि बोलि।

ऐ मौका फर मुख्यमंत्री स्वतंत्रता संग्राम सेनानियौं अर शहीदु क कुटुम्दरि तैं सम्मानित कायी। मुख्यमंत्री न बोलि बल यु मेरु सौभाग्य च की मिथैं आज मुख्य सेवका रुप मा ऊं तैं सम्मानित करण कु मौक मिलि।

मुख्यमंत्री न बोलि कि उत्तराखण्ड देवभूमि क दगड़ा-दगड़ि वीर भूमि बि च। आज प्रधानमंत्री क कोसिस न फौज पैळि से जादा काबिल (सक्षम) अर सशक्त हूंणि च अर फौजा कीर्ति सर्या दुन्या मा हूंणि च।

मुख्यमंत्री न बोलि कि प्रधानमंत्री क मार्गदर्शन मा फौजि अर उंका कुटुम्दरि तैं मिलण वलि सुविधौं तैं बढ़यें जाणु च। उत्तराखण्ड प्रदेस मा वीरता पदक से सम्मानित फौजियों तैं मिलण वलि अनुदान राशि तैं बढ़ै द्यायी। ऐ कार्यक्रम मा कैबिनेट मंत्री गणेश जोशी, प्रेमचन्द अग्रवालन बि बोलि।

ऐ मौका फर राज्यसभा सांसद नरेश बंसल, जिला पंचायत अध्यक्ष श्रीमती मधु चौहान, मेयर देहरादून सुनील उनियाल गामा, मेयर ऋषिकेश अनीता मंमर्गाइं, विधायक मुन्ना सिंह चौहान छायीं।