मुख्यमंत्री धामीन केन्द्रीय सड़क परिवहन मंत्री क दगड़ उत्तराखण्ड मा सड़क कनेक्टिविटी क बारा मा कायी चरचा

नै दिल्ली। मुख्यमंत्री धामीन नै दिल्ली मा केन्द्रीय सड़क परिवहन अर राजमार्ग मंत्री नितिन गडकरी क दगड़ मा भेंट कायी अर उत्तराखण्ड मा सड़क कनेक्टिविटी क बारा मा परियोजनौं फर चरचा कायी। मुख्यमंत्री न केन्द्रीय मंत्री तैं कंडाली न बणि स्टॉल क दगड़ मा औरि घर्या चीज भेंट कायी। मुख्यमंत्री न केन्द्रीय सड़क परिवहन मंत्री से सी आई आरएफ क प्रस्ताव पर वित्तीय अर प्रशासकीय अनुमोदन खूंणि विनति कायी।

केन्द्रीय सड़क परिवहन मंत्री न बोलि कि सीआईआरएफ मा प्रदेस तैं 250 करोड़ रुप्यौं क मंजूरि दियें जाली। मुख्यमंत्री न केन्द्रीय सड़क परिवहन मंत्री तैं उत्तराखण्डा पाड़ि तोकम मा टुटि सड़कियौं तैं ठीक करणा खूंणि एफडीआर क जरिया पैसा दियें जाणा क विनति कायी। जै फर केन्द्रीय मंत्री न प्रस्ताव बण्यें कि भ्यजणा बात बोलि। मुख्यमंत्री न राष्ट्रीय राजमार्ग 109 के खूंणि ज्यामितीय सुधार अर चौड़ीकरण क काम खूंणि उत्तराखण्ड लोक निर्माण विभाग तैं निर्माण एजेन्सी नामित करणा मंजूरि दियें जाणा क विनति कायी। यां खूंणि केन्द्रीय मंत्री न अपड़ि मंजूरि दे।

मुख्यमंत्री न केन्द्रीय मंत्री से विनति कायी कि मसूरी 02 लेन टनल परियोजना कु काम झटाझट करणा खूंणि एनएचएआई क अधिकारियौं तैं निर्देश देंणा खूंणि बोलि। मुख्यमंत्री न खटीमा पीलीभीत बाईपास तैं एनएचएआई क जरिया बणौंणा क विनति कायी।
उन्न केन्द्रीय मंत्री से यमुनोत्री धाम तैं ज्वड़ण वळु राष्ट्रीय राजमार्ग संख्या 123 डामटा से बड़कोट तैं द्वी लेन चौड़ीकरण खूंणि डीपीआर रुप्यां 367.35 करोड़ दिंणा मंजूरि देंणा विनति कायी।

मुख्यमंत्री धामीन कुमौं अर गढ़वाळ तैं ज्वड़णु वळु राष्ट्रीय राजमार्ग ज्योलीकोट तैं कर्णप्रयाग अर उत्तराखण्ड अर हिमाचल प्रदेस तैं ज्वड़णा वळु राष्ट्रीय राजमार्ग फेडिज बटि सनैल तैं 2 लेन मा बदलि करणा क प्रस्ताव तैं मंजूरि दियें जाणु विनति कायी।
बैठक मा उत्तराखण्ड के कैबिनेट मंत्री, लोक निर्माण विभाग सतपाल महाराज, सचिव पीडब्लूडी पंकज पांडेय बि छायीं।