चमोली पुलिसक बड़ी कारवै, विद्युत विभागा लैनमैन, सुपरवाइज अर जल संस्थान क सहायक अभियन्ता गिरफ्तार

चमोली। ननांमि गंगे सीवरेज ट्रीटमेंट प्लाट मा बिजली क करंट न हूयीं मौतु फर आज बड़ी कारवै ह्वै। पुलिसन विद्युत विभागा लैनमैन, सुपरवाइज अर जल संस्थान क सहायक अभियन्ता तैं गिरफ्तार कै याली।

बतै दियां कि 16 जुलै खूंणि राति नमामि गंगे सीवरेज ट्रीटमेंट प्लाट मा राति काम करण वलु गणेश टुणपट ह्वैग्यें छायीं। यीं सूचना फर पुलिस उप निरीक्षक प्रदीप रावत अर होमगार्ड ज्वान वख पौंचिन। सर्या जगा मा करंट हूूंणा क बात पता चलण फर उन्न पैलि विद्युत उपखण्ड कोठियालसैंण कु लैनमैन सैन सिंह से सीवरेज प्लाट मा करंट नीं हूंण क जाणकारि ल्यायी अर तब पंचनामा क कारवै सुरु कायी। ऐ मौका फर हि करंट न म्वरयां गणेश तैं सरकारि मदत दिलौंणा खूंणि वखम ळोग जमा ह्वैग्यींन, अर पुलिस ळोगु तैं समझौंणक कोसिस करण बठिग्यें।

बतै जाणु च कि तबरि हि निजमुला-कोठियालसैंण मा बिजली खराब ह्वैग्यें। लैनमेन सैन सिंह, सतेन्द्र , गोपाल न कोठियाल सैंण विद्युल लैन मा अल्कापुरी मा बिजली ठीक करणा क बाद लैनमेन सैन सिंह न महेन्द्र सिंह तैं सीवरेज प्लाट मा एक आदिमा क म्वरणा क खबर बत्यें। यांका बाद बि महेन्द्र सिंह न यीं फर ध्यान नीं दे अर 11ः12 सब स्टेशन बटि शट डाउन ल्यें अर बिजली ठीक करणा क बाद 11ः25 फर बिना जांच क शटडाउन वापिस लियाली। जै से एसटीपी प्लाट मा करंट फैलिग्यें।
जैमा उ. नि. प्रदीप रावत अर 03 होमगार्डो क दगड़ मा 16 मनखि टुणपट अर 11 मनखि घलै ह्वैग्यीन।

ऐ मामलु मा पटवारी नीरज स्वरूप न कोतवाली चमोला मा मुकदमा दर्ज कर्यूं छायीं। पुलिसन विद्युत विभाागा , जल संस्थान क अधिकारियौं से जाचं , पूछताछ कायी अर घटना जगा तैं दय्खण क बात बतै कि एसटीपी चलौंण मा लापरवै कर्यें ग्यें। जाचं मा या बात समणि ऐे कि एसटीपी प्लाट चलौंण वळि कम्पनी ज्वांइड वेंचर जेबीएम अर कॉन्फिडेंट इंजीनियरिंग इण्डिया प्राईवेट लिमिलेट न पवन चमोला तैं सुपरवाइजर बण्यूं छायीं। जांच मा या बात बि समणि ऐ कि जल संस्थान क प्रभारी सहायक अभियन्ता हरदेव लाल आर्य अर ज्वाइंट वेंचर कम्पनी क मालिक अर अधिकारियौं न विद्युत उपककरणु मा बौैत लापरवै कायी।
पुलिसन कारवै कायी अर घटना मा सामिल 3 आरोपि तैं पूछताछ क बात पकड़ि याली। गिरफ्तार कर्यां ळोगु मा पवन चमोला (सुपरवाईजर ज्वांइट वेंचर कम्पनी), महेन्द्र सिंह जयपाल (लाईनमैन उत्तराखण्ड विद्युत विभाग) अर हरदेव लाल आर्य (प्रभारी सहायक अभियन्ता उत्तराखण्ड जल संस्थान) सामिल छन।