मुख्यमंत्री न चमोली दुर्घटना मा टुणपट हूयां ज्वानु तैं द्यायी श्रद्धाजंलि
देरादूण। मुख्यमंत्री धामीन आज चमोली हादसा मा टुणपट हूयां ज्वानु तैं श्रद्धांजलि द्यायी। मुख्यमंत्री न ज्वाुन के कुटमदरि तैं मदत देंणा कु भरोसु दें। मुख्यमंत्री न चमोली मा हादसा मा हूंयी जनहानि तैं बौत बडु दुख बतै। उन्न टुणपट हूंया ज्वान क आत्मा क शांति की कामना कायी अर ऊंकी कुटमदरि तैं भरोसु दे अर घलै हूंया लोगुक झट से ठीक हूंणा कामना कायी।
मुख्यमंत्री न बोलि दुखा क यी घड़ी मा सर्या प्रदेस उंका दगड़ा च अर सरकार जु बि होलि मदत काराली।
मुख्यमंत्री पुलिस मैदान गोपेश्वर मा टुणपट हूंया होमगार्ड के तीन ज्वानु तैं पुष्पचक्रक अर्पित कायी की श्रद्धाजलि द्यायी।
मुख्यमंत्री न बोलि कि दुर्घटना कनकैकि ह्वै या जांच कर्यें जाली अर जु बि दोषि छन वु फर सखत कारवै कर्ये जाली।
ऐ मौका फर पर्यटन मंत्री सतपाल महाराज, स्वास्थ्य मंत्री डा. धन सिंह रावत, भाजपा प्रदेश अध्यक्ष महेन्द्र भटृ, विधायक अर अधिकारी बि छायीं।