आपदा क कै बि चुनौति खूंणि प्रशासन त्यार रयां : मुख्यमंत्री धामी
देरादूण। मुख्यमंत्री धामीन आज आपदा प्रबंधन कंट्रोल रुम मा पौंछिकि प्रदेसा सबि जिलाधिकारियों क दगड़ टेलीफोन मा बात कायी अर बोलि कि चुनौति खूंणि त्यार रयां।
मुख्यमंत्री धामी न सचिवालय मा आपदा प्रबंधन कंट्रोल रुम मा जैकि प्रदेसा मा खळाखळ हूंणि बरखा क जाणकारि ल्यायीं। उन्न सबि मुख्यमंत्री न जिलाधिकारी तैं निर्देश दीं कि आपदा क दसा मा ळोगु तैं झट कैकि मदत दियें ज्यां या खूंणि सबि त्यारि पूरि रख्यें ज्यां। जरुरत दवै, अर औरि जरुरी समान क पूरु बन्दबस्त धर्यें ज्यां।
मुख्यमंत्री जिलाधिकारियौं तैं बोलि कि बस्गाल मा जु सड़क, बिजली, पाणि बन्द हूंणि च वैथैं झट ठीक करणा क बन्दुबस्त कर्यें ज्यां। मुख्यमंत्री क सचिव आपदा प्रबंधन तैं निर्देश दीं कि लक्सर, खानपुर अर प्रदेसा औरि इन्न जगों मा जख कम बरखा हूंणा क बाद पाणि भ्वरेंणा क दिक्कत हूंणि च। इन्न जगों मा पाणि निकलणा कु बन्दस्त कर्यें ज्यां।
मुख्यमंत्री सबि जिलाधिकारियौं तैं एक दुसर क दगड़ मा सम्पर्क बण्यें कि रखण खूंणि बोल जैसे कुछ बि जरूरत प्वड़ण फर झट कर्यें जै सक्यां।
मुख्यमंत्री न सेना, एनडीआरएफ, एसडीआरएफ क तरफ बटि लग्यीं सेना क बारा मा बि जाणकारि ल्यायी।
ऐ मौका फर अपर मुख्य सचिव राधा रतूड़ी, सचिव आपदा प्रबंधन डॉ. रंजीत सिन्हा, अपर सचिव सविन बंसल, एसीईओ आपदा प्रबंधन रिद्धिम अग्रवाल अर औरि अधिकारी छायीं।