देरादूण मा भोल 1 से 12 तक का सबि इस्कुळ बन्द राळा

देरादूण। देरादूण मा भोल सबि सरकरि अर गैर सरकरि स्कुल बन्द राळा। जिलाधिकारी देरादूण न बरखा क सम्भवना तैं देखिक छुट्टी कु आदेश देयाली।

जिलाधिकारी न मुख्य शिक्षा अधिकारी तैं निर्देश दी कि सबि इस्कुळु तैं बगत मा सूचना दियें ज्यां अर दगड़ा-दगड़ि सबि इस्कुल्यां नौन्याळु क कुटम्दरि तैं बि सूचना पौंछ्यें ज्यां।

बतै दियां कि मौसम विभाग न 9 जुलै अर 10 जुलै 2023 खूंणि देरादूण मा गगड़ाट (बादलों की गरज), कड़कताल (बिजली चमकना) अर तेज बरखा खूंणि खबरदार जारी कर्यूं च। इल्लै जिला मा क्वीं अनहोनी घटना ना हूंया यां खूंणि जिला मा कक्षा 1 से 12 तकाकि सबि इस्कुल अर आंगनवाड़ी केन्द्रु मा 10 जुलै 2023 खूंणि एक दिना क छुट्टी कर्यें ग्यें।