सतपाल महारजन कायी जनसम्पर्क अभियान अर बोलि केन्द्र सरकारन नौ साल मा बौत बड़ा-बड़ा काम करनि

पौड़ी। प्रधानमंत्री मोदी क नेतृत्व मा केन्द्र सरकारन नौ साल मा बौत बड़ा-बड़ा काम करनि। जैमा धारा 370, राम मंदिर, जना बौत बड़ा फैसला छन। या बात चौबट्टाखाल क विधायक अर पर्यटन मंत्री सतपाल महाराजन अपड़ि विधानसभा तोक मा महा जनसर्म्पक अभियान मा बोलि।

सतपाल महाराजन भारी बरखा मा अपड़ि विधानसभा मा महा जनसम्पर्क अभियान मा बौंसाल, मेटाकुंड, अमोठा, पाटीसैण मा वखक रैवासियौं के दगड़ मा जनसंपर्क कायी अर केन्द्र सरकार क नौ साल मा कर्या कामु क बारा मा लोगु तैं बतै। जैका बाद महाराजन सामुदायिक स्वास्थ्य केन्द्र पाटीसैंण कु घप्प जैकि निरीक्षण कायी।
महाराजन बोलि कि प्रधानमंत्री मोदी क नेतृत्व मा भाजपा न नौ साल मा बौत बड़ा-बड़ा काम करिन। धारा 370, राम मंदिर जन फैसला मोदी सरकार मा हूयीं।

महाराजन बोलि कि मितैं पूरु भरोसु च बल औंण वला लोकसभा चुनौं मा भाजपा तैं बड़ी जीत मिललि अर देस सदनि विकासा ध्वड़ा मा बैठयूं राळु।

ऐ मौका फर जिला पंचायत अध्यक्ष शान्ति देवी, भाजपा जिला महामंत्री शशि रतूड़ी, मंडल अध्यक्ष एकेश्वर गणेश रावत, मण्डल अध्यक्ष सतपुली सुरेंद्र सिंह बिष्ट, वरिष्ठ नेता वेद प्रकाश वर्मा, पैल्यका मंडल अध्यक्ष बृजमोहन सिंह रावत अर बौत सर्या भाजपा कार्यकर्ता छायीं।