पाणि-पाणि ह्वै स्मार्ट सिटी देरादूण

देरादूण। देरादूण क सड़कियौ मा आज चौतर्फ पाणि हि पाणि बव्गणूं छायी। सड़कि मा जख दिय्याखा पाणि हि पाणि छायीं। कख रौळा खाळ, कख खडवळा त कख सड़क छायीं क्वीं पता ही नीं चलणु छायीं। र्स्माट सिटी मा जख दिय्याखा पाणि-पाणि पसर्यूं छायीं।

आज क बरखा न जिला प्रशासन अर नगर निगम क बस्गाल तैं लेकैकि बंधी त्यारि क सर्यां गेड खोलिकि धैरि द्यायी। स्मार्ट सिटी क आज इन्न हाल छायीं कि क्वीं सड़क, क्वीं बजार इन्न नीं छायीं जख पाणि-पाणि नीं हुयूं छायीं। जगा जगा गाड़ि पाणि मा बगणि छायीं त कखि पाणि मा बन्द हूयीं छायीं। रिस्पना पुल मा त गाड़ी तैं भैर निकलणा खूंणि क्रेन बुलाण प्वोड़ि ग्यें। घंटाघर, आईएसबीटी, डालनवाला रायपुर, पलटन बाजार, धर्मपुर आराघर सड़कियौं मा पाणि हि पाणि हूयूं छायीं।

इतगा हि ना आज राज्यपाल गुरमी त सिहं एक इस्कुळ हॉस्टल क उद्घाटन मा ज्यां छायीं , त वख सर्या कार्यक्रमा जगा मा पाणि भ्वरयूं छायीं मंच फर राज्यपाल अर भ्वां मा क फीट पाणि छायीं।

स्मार्ट सिटी देरादूण क यु हाल देखिकि डीएम सोनिका तैं स्मार्ट सिटी क सड़कियौं मा आण प्वोड़ि। जिलाधिकारी न रिस्पना, बंजारावाला, कारगी चौक, जोगीवाला, 6 नम्बर पुलिया, सहत्रधारा क्रांसिंग, सर्वेचौक परेड ग्राउंड राजपुर रोड,़ प्रिंस चौक कु निरीक्षण कायी।

आज सड़कियौं क दसा देखिकि इन्न लगणु च स्मार्ट सिटी मा नौं फर हमन देरादूणा क क्या हाल कै याली?