मुख्यमंत्री धामीन रानीखेत अर लैंसडाउन छावनी बोर्ड भंग करणा क विनति कायी

देरादूण। मुख्यमंत्री धामी न आज नै दिल्ली मा रक्षा मंत्री राजनाथ सिंह क दगड़ भेंट कायी अर रानीखेत अर लैंसडाउन छावनी बोर्ड तैं खतम कैकि सैन्य स्टेशनौं से भैर कायी कि प्रदेस प्रशासन तैं देंणा मांग कायी।
मुख्यमंत्री न हिमाचल प्रदेस मा योल मा छावनी बोर्ड तैं भंग कैकि नगर पालिका मा मिलौंणा कु अर छावनियौं तैं सैन्य स्टेशन नामित करणा क फैसळा कु स्वागत कायी। मुख्यमंत्री न बोलि कि रानीखेत अर लैंसडाउन रणनीतिक छावनी नीं छन, इल्लै यु तैं भंग कर्यें जाण चैंद। छावनी बोर्ड कु नगर पालिका/ जिला प्रशासन तैं दियें जाण फर यांकु फैदा यखक ळोगु तैं ह्वोलु।

मुख्यमंत्री न रुद्रप्रयाग मा रिटैर फौजि अर उंका कुटुम्दरि खूंणि ईसीएचएस केन्द्र ख्वलें जाण क मंजूरि दियंे जाण फर आभार बोलि अर सीएसडी कैन्टीन ख्वलण क विनति कायी।

मुख्यमंत्री न जौलीग्रांट एयरपोर्ट तैं औरि बढु बणौंणा खूंणि एनआरटीओे क 4 एकड़ जमीन दियें जाणा क विनति भी कायी। उन्न बोेलि एनआरटीओ तैं प्रदेस सरकार जमीन देंणा खूंणि त्यार च। मुख्यमंत्रीन केन्द्रीय रक्षा मंत्री से प्रदेस सरकार तैं क्षेत्रीय संपर्क योजना क सेवा तैं जोशीमठ अर धारचूला आर्मी हेलीपैड बटि चलौंणा खूंणि मंजूरि देंणा विनति कायी।

केंन्द्रीय मंत्री राजनाथ सिंह न धामी तैं मदत देंणा कु भरोसु दे।