मुख्यमंत्री न केंद्रीय मंत्री से कायी विनती , मंजूर बजट क बच्यां पैंसा प्रदेस सरकार तैं दियें ज्यां

देरादूण। मुख्यमंत्री धामीन नै दिल्ली मा केन्द्रीय मत्स्य पशुपालन अर डेरी मंत्री पुरुषोत्तम रुपाला क दगड़ मा भेंट कायी अर उत्तराखण्ड मा पशुपालन अर डेरी क बारा मा छ्वीं लग्यें।

मुख्यमंत्री न केन्द्रीय मंत्री से नेशनल लाइवस्टॉक मिशन योजना मा पशुधन बीमा के बच्यां रुप्या दिंणा अर प्रदेस मा सचल पशुचिकित्साल वाहन क सेवा बच्यां 35 विकासखण्डु मा दियें जाणा विनती कायी।

मुख्यमंत्री न उत्तराखण्ड क विकास मा मदद खूंणि आभार बोलि अर बोलि उत्तराखण्ड प्रदेस मा चलणि सरकरि योजनौं मा पशुपालन योजना क खास जगा च।

भारत सरकार उत्तराखण्ड राज्य क पाड़ अर मैदानी तोक मा गौरु भैंसा पळण वळों खूंणि नेशनल लाईवस्टॉक मिशन योजना मा पशुधन बीमा चलाणि च। योजना मा मंजूर 30 करोड रुप्यौं मा बटि साल 2022-23 मा 13 करोड़ 26 लाख 25 हजार रुप्यौं मिलिग्यीं। जैमा केन्द्र सकारक रुप्या 8 करोड़ 67 लाख 66 हजार रूपए प्रदेस प्रदेसा सरकार क 5 करोड़ 58 लाख 59 हजार रूपए छायीं। योजना मा प्रदेस मा 1,45,451 गौरुकु बीमा कर्यें ग्यें। मुख्यमंत्री न केंद्रीय मंत्री से विनती कायी कि मंजूर बजट क बच्यां पैसौं तैं प्रदेस सरकार तैं दियें ज्यां।

मुख्यमंत्री न बोलि बल प्रदेस मा 60 सचल पशुचिकित्सा वाहन चल्यें जाणा छन। मुख्यमंत्री प्रदेश मा बच्यां 35 विकासखण्डु मा सचल पशुचिकित्सा सेवा चलौंणा खूणि बच्यां 786.94 लाख रुप्या दियें जाणा क विनति कायी।

केन्द्रीय मंत्री पुरुषोत्तम रुपाला न मुख्यमंत्री पुष्कर सिंह धामी तैं मदद कु भरोसु दे।