कांवड़ जातरा 2023, बजटा क्वीं कमी नीं ह्वैली : मुख्यमंत्री

हरद्वार। धर्मनगरी हरद्वार मा चार जुलै बटि सुरू हूंणि कांवड़ जातरा तैं लैकेकि पुलिस प्रशासन अर सरकार न अपड़ि पूरि तरौं त्यार ह्वैग्यें।

आज हरद्वार मा मुख्यमंत्री धामी न शासन-प्रशासन अर पुलिस अधिकारियौं क दगड़ हरद्वार कांवड़ जातरा तैं लेकैकि समीक्षा बैठक कायी। इस दौरान मुख्यमंत्री धामी न अधिकारियाैं बटि जाणकारि ल्यायी अर जरूरी निर्देश दीं।

बैठक क बाद मुख्यमंत्री धामी न बोलि कि हरद्वार कांवड़ जातरा क त्यारि कर्यें जाणि छन। कांवड़ जातरा टुप्प टप (शांतिपूर्ण) हूयां यां खूंणि सबि त्यारि कर्यें जाणि छन। सरकार न पूरि कोसिस च कि हरद्वार आण वळा सबि श्रद्धाळु यख बटि भलु रैबार लेकैकि ज्यां।

मुख्यमंत्री न बोलि कि ऐसु साला कांवड़ जातरा क पूरणा सबि रिकॉर्ड टूटी जाला। उन्न बोलि कांवड़ जातरा मा बजटा क्वीं कमी नीं ह्वैली अर जु काम बच्यां छन, यु तैं बगत मा पूरू कर्यें जालु।

बैठक मा मुख्य सचिव एसएस संधू अर मदन कौशिक बि छायीं।