देवभूमि उत्तराखण्ड तैं भ्रष्टाचार मुक्त बणौंणु हमरु लक्ष्य च : मुख्यमंत्री

देरादूण। मुख्यमंत्री धामी न बोलि कि देवभूमि उत्तराखण्ड तैं भ्रष्टाचार मुक्त बणौंणा हमरु लक्ष्य च। उत्तराखण्ड भ्रष्टाचार मुक्त प्रदेस बण्यां या खूंणि मुख्यमंत्री न कटकुटा निर्देश बि जारी करिन। सर्तकता विभाग तैं घूसखोरी क ममाळों मा घूरखोरी कम करणा खूंणि घूस लिंण वळा अधिकारियौं अर कर्मचारियौं क पछ्याण कैकि कारवै करणा खूंणि प्रदेस सरकार क ब्वन फर कटकुटा फैसळा करणि च।

मौजा जाखन कोचर कॉलोनी जाखन मा पश्चिम ऑफिसर कॉलोनी राजपुर रोड फर गलत तरिकौं न जमीन पर कब्जा करणा क दोषि सेवा निवृत्त लेखपाल मौजा जाखन तहसील सदर देहरादून कुशाल सिंह राणा, पुत्र स्व. जूरा सिंह अर अभियुक्त राजेन्द्र डबराल, पुत्र स्व. इंद्रमणि डबराल फर सुसंगत धारौं मा केस चलाण क मंजूरि दियें ग्यायी।

जमीन क सै रिपोर्ट लगौंणा खूंणि घूस मंगण वळा महिपाल सिंह लेखपाल तहसील लक्सर जिला हरद्वार फर भ्रष्टाचार निवारण अधिनियम 1988 क जरिया केस चलौंणा खूंणि, रजनीश कुमार पांडेेेेेे ,भण्डारी गोविन्द बल्लभ पंत कृषि अर प्रौद्योगिकी विश्वविद्यालय पंतनगर फर कमै से जादा जैदाद जमा करणा क बारा मा केस करणा क मंजूरि दियें ग्यायी। भूपेन्द्र कुमार मुख्य महा प्रबंधन वित्त उत्तराखण्ड परिवहन निगम फर अपड़ा पद कु गलत उपयोग अर भ्रष्टाचार सामिल रैंणा क जांच करणा क मंजूरि दियें ग्यें।