केदारनाथ गर्भगृह कु मामळु, शंकराचार्य अविमुक्तेश्वरानन्द न बि कायी जांच क मांग

श्रीनगर गढ़वाल। केदारनाथ मंदिरा गर्भगृह क पाळियौं फर लग्यूं सुनंू कु मामळु खतम हूंणा क नौं नी लिंणू च। तीर्थ पुरोहित अर कांग्रेस क बाद अब ज्योतिष पीठ क शंकराचार्य अविमुक्तेश्वरानन्द न बि अपड़ि बात बोलि। शंकराचार्य न बोलि कि एक मामळा मा जांच हूंण चैंद।

शंकराचार्य अविमुक्तेश्वरानन्द आज श्रीनगर गढ़वाल पौछ्यां छायीं जख ऊंकु स्वागत कर्यें ग्यें । ऐ मौका फर शंकरचार्य न बोलि कि बीकेटीसी भगवान केदारनाथ क सबि बन्दबस्त तैं दय्खद। केदारनाथ क गर्भगृह क पाळियौं फर ऊंकी रेखदेख मा सुनंू लग्यें ग्यें, जै फर विवाद समणि आणु च।

शंकराचार्य न बोलि कि क्या दानदाता न केदारनाथ भगवान तैं नकली सुनूं दे छायी, जु आज पीतळ रंग मा बदली हूंण च। उन्न बोलि अगर मंदिर मा नकली धातु दियेग्यें या सुनूं चढ़यें हि न ग्यें । उन्न बोलि कि यु भगवान कु बि बेजति च , उन्न बोलि बल भगवान केदारनाथ फर करोड़ मनखियौं क आस्थ च अर यान सर्या देस दुन्या मा प्रदेस पछ्याण खराब हूंणि च। इल्लै ऐ मामळा मा जांच हूंण चैंद अर सच समणि आण चैंद।