केदारनाथ मंदिर मा पीतळ क प्लेट लगौंणा क गलत जाणकारि फैलाण वळा पर ह्वैली कारवै : सतपाल महाराज
देरादूण। प्रदेसा पर्यटन मंत्री सतपाल महाराज न केदानाथ मंदिर मा सुनु क बदळा मा पीतळा प्लेट लगौंणा क खबर तैं झुठ बतै अर बोलि कि ये मामला मा मुख्य सचिव तैं जांच करणा क आदेश देयाली।
महाराजन बोलि कि यु प्रदेसा पछ्याण तैं खराब करणा वळों फर मुकदमा दर्ज कैकि कारवै हूंण चैंद। या से पैलि सतपाल महाराजन केदानाथ मंदिर मा लगि सुुना क प्लेटु क मामला मा बदरी-केदार मंदिर समिति बटि पूरि जाणकारि ल्यायी। महाराजन बोलि कि उत्तराखण्ड मा चारधाम हिन्दु आस्था क प्रतीक छन। यु क दगड़ मा इन्न ठट्ठा लगौंणा वळों क खिलाफ सखत कारवै हवैली। उन्न बोलि सोशल मीडिया मा इनि खबर चलै कि देस अर दुन्या मा अच्छु रैबार नी जाणु च।
बतै दियां कि केदार मंदिर मा पिछल साळ सुनु लग्यंे ग्यें छायी। अर अबि एक तीर्थ पुरोहित न सोशल मीडिया मा यु आरोप लग्यें कि गर्भगृह मा लग्यूं सुने पीतळा कु ह्वैग्यें।
त दुसर तरफि बीकेटीसी ऐ दावा तैं झुट्ठु बतै अर बोलि कि बिना सै जाणकारि क गलत जाणकारि फैल्यें जाणि च। उन्न बोलि कि गलत जाणकारि फैलाण वळा पर कानूनी कारवै कर्यें जाली।