काली सेना क स्वामी आनन्द न बोलि देवभूमि मा मुसलमानु तैं आणा क मंजूरी नीं हूंण चैंद
उत्तराखण्ड मा अज्काल उत्तरकाशी पुरोळा कु मुद्दा खूब तातु ह्यूं च। ऐ मामळा मा ऑल इंडिया मजलिस ऐ इत्तेहादुल मुस्लिमीन पार्टी के असदुद्दीन औवैसी क ट्वीट क बाद हरद्वार क संतु न ओवैसी तैं खुब सूणें।
काली सेना क स्वामी आनन्द स्वरुप न ओवैसी क ट्वीट कु जवाब दे अर बोलि कि ओवैसी तैं सबसे पैलि यीं बातिकु जवाब देंण चैंद कि उत्तराखण्ड मा देवभूमि मा कु जिहाद खूंणि मुसलमानु तैं बसौंणा कु काम करणु च। उन्न बोलि कि जब मक्का मा क्वीं हिन्दू नीं जै सकदु, त उत्तराखण्ड जु देवभूमि च, यख बि मुसलमानु तैं आणा क इजाजत नीं हूंण चैंद। उन्न बोलि कि देवभूमि मा मुसलमानु तैं बस्यें कि देवभूमि कु महौल खराब कर्यंे जाणु च।
वामी आनन्द स्वरुप न बोलि अबि त या सुरुवात च, आणवळु बगत मा उत्तराखण्डा क सबि जिलौं और गौ बटि मुसलमानु तैं भगौंण कु काम कर्यें जालु।
बतै दियां कि असदुद्दीन ओवैसी न ट्वीट कैकि बोलि छायीं कि उत्तराखण्ड मा जाणि बुझिकी मुसलमानु तैं तंग कर्यें जाणु च अर यां खूंणि भाजपा अर संघ जिम्मेबार छन।
काली सेना क स्वामी आनंद स्वरूप न बोलि कि यु कु मकसद उत्तराखण्ड मुख्यमंत्री तैं हटौंणा कु च, जु संत समाज कबि नीं हूंण देयळु। उन्न बोलि कि धामीन लैंड जिहाद पर कारवै कायी इल्लै यीं ळोगु परेशान छन।