मुख्यमंत्रीन कायी आपदा प्रबंधन पर हूंण वळि छठी विश्व कांग्रेस विवरणि कु विमोचन
देरादूण। मुख्यमंत्री धामीन आज 28 नवंबर बटि 1 दिसम्बर तक देरादूण मा आपदा प्रबंधन पर हूंण वळि छठी विश्व कांग्रेस क विवरणि कु विमोचन कायी।
आपदा प्रबंधन कांग्रेस कु विषय “STRENGTHENING CLIMATE ACTION & DISASTER RESILIENCE” च।
मुख्यमंत्री न बोलि बल उत्तराखण्ड मा आपदा प्रबंधन कु छ्टौं वैश्विक सम्मेलन हूंण से वैश्विक स्तर फर देवभूमि उत्तराखण्ड तैं नै पछ्याण मिललि।
उन्न बोलि कि आपदा तैं देखिक उत्तराखण्ड बौत जादा संवेदनशील च। उन्न बोलि कि जलवायु खळाखळ बदलणा क कारण से आपदा क तरीका बदलि हूंणा रैन्दन अर अब आपदा सिरफ बस्गाल क मैनौं मा नीं हूंदिन।
मुख्यमंत्री न बोलि क आज 10 साल पैलि केदारनाथ मा आपदा ऐ छायीं।। उन्न बोलि प्रधानमी मोदी क नेतृत्व मा केदार धाम कु मास्टर प्लान बण्यें कि निर्माणा काम खळाखळ हूंणा छन। केदारधाम तैं भव्य अर दिव्य बण्यें जाणु च।