उत्तराखण्ड मा द्वी नै शहर बसौंणा खूंणि केन्द्र न द्यायी मंजूरि

देरादूण। उत्तराखण्ड मा द्वी नै शहर बसौंण क मंजूरी केन्द्र सरकार बटि मिळिग्यें। प्रदेसा मा काशीपुर अर डोईवाला मा द्वी नै शहर बणौंण खूंणि आवास विभााग न केन्द्रीय आवासन अर शहरी कार्य मंत्रालयन मा शहर बसौंणा क बारा मा अपडु प्रस्तुतिकरण दे याली। जै फर केन्द्रीय न अपड़ि मंजूरी जतै अर प्रदेसा मा जल्दी ऐकी निरीक्षण करणा बात बोलि। बतै दियां कि प्रदेस सरकारन यु द्विया शहरु खूंणि 1100 करोड़ रुप्यौं क प्रस्ताव मंत्रालय तैं भज्यूं छायीं।

बतै दियां कि आवास विभाग प्रदेसा मा 8 नै शहर बसौंणा क योजना फर काम करणु च। मुख्यमंत्री धामीन केन्द्र तैं ऐ बारा मा विनति कैकि 1100 करोड़ रुप्यौं कु प्रस्ताव दे छायीं।

जैमा एक शहर काशीपुर मा पराग फार्म क जमीन मा इंडस्ट्रियल सिटी क नौं फर बणळु। दूसरु टाउनशिप, डोईवाला मा दून हरद्वार हाईवे पर एयरो सिटी क नौं फर बण्यें जालु। जैमा 746.98 हेक्टेयर सरकारि जमीन अर 2333.81 हेक्टेयर निजी जमीन शामिल च।

ऐ मामला मा कैबिनेट मंत्री प्रेमचंद अग्रवाल न बोलि कि देरादूण अर औरि शहरु मा आबादी कु घनत्व बढ़णु च , वै थैं देखिक हमथैं नै शहर बसौंणा खूंणि काम करणा क जरूरत च। जैमा हमन 22 जगो मा बटि 10 जगो मा कु पछाण कै छायीं अर 8 शहरु कु प्रस्ताव त्यार ह्वैग्यें।