स्पेशल ओलंपिक वर्ल्ड समर गेम्स मा भाग लिंण खूंणि जाणा खिल्वार अर ऊंका कोच क दगड़ मुख्यमंत्री न कायी भेट
देरादूण। मुख्यमंत्री धामी न आज इत्वार खूंणि मुख्यमंत्री कैम्प कार्यालय मा स्पेशल ओलंपिक वर्ल्ड समर गेम्स मा भाग लिंण खूंणि जाणा खिल्वार (खिलाड़ी) अर ऊंका कोच क दगड़ भेट कायी।
मुख्यमंत्री न सबि खिल्वार अर कोच तैं 17 जून बटि 25 जून तक बर्लिन, जर्मनी मा हूंण वल खेळु खूंणि शुभकामना दे अर ऊंका उज्ज्वल भवैष्य क कामना कायी।
उत्तराखण्ड बटि स्पेशल ओलिंपिक भारत एरिया क द्वी फुटसेल खिलाडी़ अर तीन कोच कु चयन जर्मन मा हूंण वला खास ओलंपिक वर्ल्ड समर गेम्स खूंणि ह्यूं च। 12 जून खूंणि सबि खिल्वारा जर्मनी खूंणि पैट्ळा।
जैमा फुटसेल खिलाड़ी हिमांशु बिष्ट अर हर्षित कुमार, वॉलीबॉल कोच जगदीश चौहान, उपदेश उपाध्याय अर फुटसेल कोच जितेंद्र कुमार कु नौं च।
ऐ मौका फर स्पेशल ओलिंपिक उत्तराखंडा क् निदेशक डी.बी.पी.एस रावत, जगदीश चौहान, अंकुर अग्रवाल, राजेश भट्ट अर विजयलक्ष्मी दगड़ मा छायीं।