उत्तराखण्डा विकास कहानी उत्तराखण्ड क जनता अप्फि ल्यखणि च: मुख्यमंत्री धामी

चम्पावत। मुख्यमंत्री धामीन चम्पावत बटि विधायक बण्यां एक साल पूरा कै याली। ऐ मौका फर धामी चम्पावत क रैवासियौं तैं 50.54 करोड़ रुप्यौं क 42 विकास योजनौं क सौगात दे।

ऐ मौका फर उन्न चम्पावता विकास खूंणि 14 लोक महत्व क घोषणा कायी। मुख्यमंत्री न सरकारा क् जनतै क भलै खूंणि चलयीं योजनौं क बारा मा विभागु क लग्यां स्टॉलु तैं बि देखि अर सबि स्टॉलु मा लग्यां उद्यमी, स्वयं सहायता समूह , जिमदार कु हौसळा बढ़ै।

कार्यक्रम मा मुख्यमंत्री न सूचना अर लोक सम्पर्क विभागा छपीं विकास पुस्तिका व आदर्श चम्पावत की ओर बढ़ते कदम कैलेंडर कु विमोचन कायी अर यांका दगड़ा दगड़ि उत्तराखण्ड भवन अर अन्य सनिर्माण कर्मकार कल्याण बोर्ड चम्पावत कु कैम्प कार्यालय कु शुभारंभ कायी।

एक मौका फर मुख्यमंत्री धामी न जनता क दगड़ संवाद कायी अर बोलि कि चम्पावत अर प्रदेसा कु विकास खूंणि सरकार ज्यू लगैकि काम करणि च। आदर्श चम्पावत क बाटु आदर्श उत्तराखण्ड क तरफि जाली। प्रेदस कृषि, नवाचार, उद्यमियौं तैं अगनै बढ़ौंणा कु काम करणि च। मुख्यमंत्री न बोलि कि हम विकल्प रहित संकल्प क दगड़ उत्तराखण्ड तैं देस मा सबसे अग्वाड़ि कु प्रदेस बणौंण दिसा क तरफि चलणा छा।

मुख्यमंत्री न बोलि कि ऐ एक साल मा उत्तराखण्डा कु सबि तोक मा विकास क दगड़ा चम्पावत तैं आदर्श अर अग्वाड़ि कु जनपद बणौंणा खूंणि कटकुटि बुनियाद त्यार कै याली। जै से आण वळु साळु मा विकास क एक कटकुटि इमारत त्यार कर्यें जाली।
उन्न बोलि आज उत्तराखण्डा विकास क नै कहानी उत्तराखण्ड क जनता अप्फि लिखणि च। ये एक साल मा हमन या कोसिस कायी कि जनगा बि प्रदेसा समिणि चुनौती छन उन सबि कु समाधान कर्यें ज्यां। अर प्रदेस तैं विकासा बाटु मा अगनै बढ़यें ज्यां।

यां से पैलि मुख्यमंत्री धामी न श्री गोल्ज्यू महाराज क दर्शन करिन अर प्रदेसा मा सबि सुखी-सन्ति रैयां, प्रदेसा जस क कामना कायी।