क्वीं बि अधिकारी घूस मंगद त सिकैत 1064 नम्बर फर कर्यें ज्यां : मुख्यमंत्री धामी

हल्द्वानी। मुख्यमंत्री धामी आज सुक्वार खूंणि हल्द्वानी पौंछ्यां छायीं जख ऊंकु पार्टी पदाधिकारियौं अर कार्यकर्तौं न जोरदार स्वागत कायी। मुख्यमंत्री धामीन न बतै कि प्रधानमंत्री न हल्द्वानी क् विकास खूंणि 22 करोड़ रुप्यौं कु पैकेज द्यायीं। मुख्यमंत्री न बोलि कि यांका अलावा सड़क, बिजली, पाणि अर स्वास्थ्य सुविधौं तैं कैनकैकि औरि अच्छु बढ़यें जालु यां खूंणि सरकार खळाखळ काम करणि च। उन्न अधिकारियौं तैं सखत निर्देश दीं कि आम जनता क काम मा क्वीं टिरमिर (आनाकानी) नीं हूंण चैंद। उन्न बोलि कि अगर क्वीं अधिकारी घूस मंगद त यांकी सिकैत 1064 मा कर्यें ज्यां। घूस करण वळा फर सखत कारवै कर्यें जाली। मुख्यमंत्री बोलि कि सबि अधिकारी 1064 नम्बर अपड़ा दप्तर मा लग्यां।

उत्तराखण्ड मा जल्दी हूंणू इन्वेस्टर समिट क बारा मा मुख्यमंत्री न बोलि कि प्रदेस मा औद्योगिक निवेश तैं बढ़ौंणा कु अर रोजगार बेरोजगारु तैं रोजगार मिललु। उन्न बोलि कि इन्वेस्टर समिट खूंणि योजना त्यार कर्यें जाणि च।

मुख्यमंत्री मंत्री न ऊधमसिंह नगर किच्छा खुरपिया फार्म मा 3000 एकड़ मा टाउनशिप बणौंणा कु बि प्लान च। जख 75000 करोड़ से जादा इन्वेस्टमंेट अबि हूंण च। यांका अलाव प्रदे मा 22 हजार ज्वानु तैं रोजगार देंणा कु लक्ष्य धरयूं च।