मुख्यमंत्री धामी क सुरक्षा मा तैनात कमांडो न अप्फु तैं मारि गोली

देरादूण। उत्तराखण्ड मुख्यमंत्री धामी क सुरक्षा मा तैनात कमांडो गोली लगण से टुणपट ह्वैग्यें।
कमांडो क नौं प्रमोद रावत छायीं। प्रमोद रावत पौड़ी क रैवासी छायीं अर अबि विजय कॉलोनी देरादूण मा रैंणा छायीं।

घटना आज 12.30 बजिक च, बतै जाणि च कि प्रमोद न अपणि एके-47 न अपणि धौंण (गर्दन) मा गोली मारि अर टुणपट ह्वैग्ये लेकिन अबि यु जांच कु मामलु च प्रमोदा क टुपणट हूंणा असली कारण क्या च?

घटना क जाणकारि मिलण फर एसएसपी दलीप सिंह कुंवर न कमांडो क मौत खबर द्यायी। उन्न अब ऐ मामला मा क जांच सुरू कै याली। एसएसपी न बतै की कमांडो क घौर मा भागवत उर्यीं छायीं अर प्रमोद न 16 जून बटि छुट्टी मा जाणा खूंणि आवेदन कर्यूं छायीं।