मुख्यमंत्री न कायी मानसखण्ड मंदिर माला मिशना समीक्षा

देरादूण। मुख्यमंत्री धामी न आज मुख्यमंत्री आवास मा मानसखण्ड मंदिर माला मिशन क बारा मा बैठक कायी ऐ मौका फर उन्न अधिकारियौं तैं निर्देश दीं पैलु चरण मा जु 16 मन्दिर छन ऊंकी भव्यता खूंणि हूंणा कामु मा औरि तेजी से कर्यें ज्यां। मुख्यमंत्री न बोलि कि मंदिर मा आणा जाणा खूंणि बाटौं तैं सजिलु बण्यें ज्यां अर औरि जु बि विकासा काम छन उथैं बगत मा पूरू कर्यें ज्यां। उन्न बोलि कि मंदिरा इनै-उनै भक्तु खूंणि बासा रैंणा खूंणि होटल, होम स्टे कु अच्छु बन्दबस्त कर्यें ज्यां।

मुख्यमंत्री धामी न बोलि मंदिर माला मिशन क जरिया हूंणा काम 20 से 25 सालु तक आण वला भक्तु क संख्या तैं देखिक कर्यें ज्यां। उन्न लो.नि.वि क अधिकारियौं तैं मानसखड कोरिडोर खूंणि सड़क क काम तेजी से करणा निर्देश दीं।

बैठक मा मुख्य सचिव डॉ. एस.एस. संधु, अपर मुख्य सचिव श्रीमती राधा रतूड़ी, सचिव आर. मीनाक्षी सुंदरम, शैलेश बगोली, डॉ. पंकज कुमार पाण्डेय, विनय शंकर पाण्डेय, महानिदेशक सूचना बंशीधर तिवारी अर लोक निर्माण विभागा अधिकारी छायीं।