भोळ खुलला द्वितीय केदार भगवान मदमहेश्वर क द्वार

रुद्रप्रयाग। द्वितीय केदार भगवान मदमहेश्वरा चल विग्रह उत्सव डोलि भक्तु क जयकारौं क बीच जा आज अपणा आखिर पड़ाव गौण्डर मा पौंचिग्यें। सोमबार खूंणि भगवान मदमहेश्वरा क चल विग्रह डोली ब्रह्म मूरत फर गौण्डार बटि धाम खूंणि पैट्ली अर अपड़ जातरा पड़ाव व भक्तु तैं आशीर्वाद दिन्दा मदमेश्वर धाम पा पौंछ्ळी।

भगवान मदमहेश्वरा क चल विग्रह उत्सव डोलि धाम मा पौंछ्ण फर भगवान मदमहेश्वरा क द्वार भक्तु खूंणि ख्वलें जाळा।

आज बह्म बेला फर मदमहेश्वर धाम क पुजरी बागेश लिंग राकेश्वरी न रांसी मा पंचाग पूजन क जरिया भगवान मदमहेश्वर भगवती राकेश्वरी अर तैंतीस कोटि देवी देवताऔं कु आह्वान कैकि आरती कायी। सुबेर आठ बजि भगवान मदमहेश्वरा की चल विग्रह डोलि राकेश्वरी मन्दिर बटि गौण्डार गौ खूंणि पैटिग्यें। ऐ मौका फर भगवान मदमहेश्वरा क चल विग्रह उत्सव डोलि न राकेश्वरी मंदिर मा तीन परिक्रमा कायी, गौ क रैवासियौं न भगवान तैं लाल-पीला कपड़ा चढ़ै अर सबि राजी खुसी रैंया कायी कामना कायी।

परबात भगवान मदमहेश्वरा क डोलि बनातोली, खटारा, नानौ, मैखम्भा, कूनचट्टी ह्वै कैकि मदमहेश्वरा धाम मा पौंछलि। भगवान कु डोलि धाम मा पौंछण फर 11 बजिक वेद ऋचाऔं क दगड़ मा भगवान मदमहेश्वर क पाट भक्तु खूंणि दर्शना खूंणि ख्वलें जाळा।