मुख्यमंत्री न कायी चारधाम जातरा रजिस्टेशन ऑफिस कम ट्रांजिट कैम्प कु लोकार्पण

ऋषिकेश। मुख्यमंत्री धामीन आज ऋषिकेश मा 22.25 करोड़ रुप्यौं से बणण वळु चारधाम जातरा रजिस्टेशन ऑफिस कम ट्रांजिट कैम्पा दगड़ चन्द्रभागा नदी मा 4.71 करोड़ रुप्यौं कु आस्था पथ मा सीसी मार्ग बणौंणा कु लोकार्पण कायी।

मुख्यमंत्री न ऐ मौका फर चारधाम जातरा मा हूंणा काम तैं बि देखि।

ऐ मौका फर उन्न ट्रांजिट कैम्प मा चिकित्सालय, पंजीकरण कु दफतर, पूछताछ अर सहायता केन्द्र अर बन्दबस्त तैं देखि। मुख्यमंत्री नीं निर्देश दी कि जातरियौं तैं क्वीं दिकदरि नी हूंण चैंद सबि बन्दबस्त अच्छा हूंण चैंद। मुख्यमंत्री न बोलि जातरियौं क दगड़ मा अच्छु बरतौव कर्यें ज्यां। मुख्यमंत्री न ऐ मौका फर प्रदेस मा अयां जातरियौं क दगड़ मा छ्वीं बि लग्यें अर देवभूमि मा ऊंकु स्वागत कायी।

ऐ मौका फर कैबिनेट मंत्री सतपाल महाराज, प्रेम चंद अग्रवाल, सासंद डॉ. रमेश पोखरियाल निशंक, मेयर ऋषिकेश श्रीमती अनीता मंमगाई, गढ़वाल आयुक्त सुशील कुमार, आईजी गढ़वाल के. एस. नगन्याल छायीं।