सरकरि जमीन बटि कब्जा हट्यें जाळु : मुख्यमंत्री

देरादूण। मुख्यमंत्री धामीन सचिवालय मा मीडिया से बात कायी अर बोलि बल प्रदेस मा जु बि सरकरि जमीन मा कब्जा कारळु वै थैं हट्यें जाळु। उन्न्न बोलि यु अभियान तब तक जारी राळु जब तक कब्जा नीं हट्यें जाळु।
मुख्यमंत्री न बोलि कि मिथैं उमेद च कि जौन बि सरकरि जमीन मा कब्जा कर्यूूं च वु अप्फि वै कब्जा तैं हट्यें देळु। उन्न बोलि कि ळोगुन उ से बोलि कि वु अप्फि कब्जा हट्यें देय्ळा।

बनभूलपुरा हल्द्वानी मा सरकारी जमीन मा कब्जा क सवाल पर मुख्यमंत्री न बोलि कि ऐ बारा मा जु बि कानूनी फैसळा ह्वोळु वु कर्यें जाळु। ऐ मामळा मा माननीय न्यायालय कु जु बि निर्देश अर फैसळा ह्वोळु वै फर कारवै कर्यें जाळी।

मुख्यमंत्री बोलि कि प्रधानमंत्री क इच्छा च कि वु उत्तराखण्ड मा अयां। उन्न बोलि कि प्रधानमंत्री कु उत्तराखण्डा दगड़ खास लग्यार (लगाव) च अर प्रधानमंत्री कु उत्तराखण्ड औंण फर सबि प्रदेसा रैवासियौं मा अलग हि खुसी रैंद।

मुख्यमंत्री धामीन बोलि कि प्रदेस क चर्या धामु बटि तीन धाम यमुनोत्री, गंगोत्री, बदरीनाथ मा जातार खळाखळ चलणि च सब बाबा केदार मा मौसम ऐखारि-एखारि खराब हूंणू च अर ग्लेशियर टुटणा छन, जै से जातरियौं तैं दिकदरि हूंणि च। उन्न बोलि कि जातरिया तैं क्वीं दिकदरि नीं हूंया या खूंणि पंजीकरण ऐखारि-एखारि (बार-बार) बन्द करण प्वड़ा छन अर जन्नि मौसम ठीक हूंण च उन्न जातरा दुबरा सुरु हूंणि च। उन्न बोलि कि सबि जातरियौं तैं बाबा क दर्शन हूयां, इन्न बन्दबस्त कर्यें जाळु।

मुख्यमंत्री न बोलि कि प्रधानमंत्री न या विनति कायी कि अपणि जातारा मा 5 प्रतिशत रुप्या, जख जातरा मा जैळा वखकि घर्या चीजु मा खर्च कर्यां। मुख्यमंत्री न बोलि कि प्रधानमंत्री क विनति क बाद छ्वटा-छ्वटा समूह अर ब्यटुळों समूह क बण्यां सामन तैं जातरियों न मूल्यौंण सुरु कै याली अर या से प्रदेसा ळोगु तैं रोजगार मिळिग्यें।