केदारनाथ मा दुबरा प्वोड़ि ह्यूं, डांडी काठी ह्वैग्यीन औरि बिगरैलि

रुद्रप्रयाग: केदारनाथ धाम मा एकदा दुबरा ह्यूं प्वोड़ि ग्यें। ह्यूं प्वड़ण से केदारनाथ क डांडी काठी औरि बिगरैलि ह्वैग्यीन। बतै दियां कि केदारनाथ मा खळाखळ ह्यूं प्वड़णु च जै कारण जातारा मा झंगज्याट हूंण च।

केदारनाथ धाम मौसम खळाखळ बदलि हूंण च। सुबेर साफ त दिनमा तक अचाणचक मौसम खराब ह्वै जाणु च अर ह्यूं प्वड़णु च। जै कारण जातरि क संख्या कम हूंद जाणि च।

त वखि रुद्रप्रयाग क एसपी भदाणे न जातरियौं से विनति कायी कि मौसम देखिक जातरा कर्यां। उन्न बोलि कि 15 मई तक केदारधाम मा मौसमा क चेतावनी च, इल्लै मा सावधानी से जातरा कर्यां।