जख ‘श्री’ हूंद वख जस, समग्रता अर सदनि जीत हून्द : मुख्यमंत्री धामी

देरादूण। मुख्यमंत्री धामीन आज देरादूण मा श्री अन्न महोत्सव 2013 तैं सुरू कायी अर मिलेट्स से बण्यां खाणु-पीणु क स्टाळु कु निरीक्षण कायी अर कृषि विभाग उत्तराखण्ड की फसळु पर बणि किताब “स्वाद के साथ स्वास्थ्य” कु विमोचन कायी। मुख्मयंत्री धामी न बोलि कि यु आयोजन ‘श्री अन्न’ तैं अगनै बढ़ौंणा मा काम कारळु।

मुख्यमंत्री धामीन बोलि इन्न उर्यां आयोजन न म्वाटु अनाज क खेती तैं अगनै बढ़णा कु मौका हि ना बल्कि यां से जिमदारू तैं म्वाटु नाज क बारा मा जाणकरि बि मिलळि।

मुख्यमंत्री न बोलि कि भारत क ब्वन फर संयुक्त राष्ट संघ न 2023 तैं अंतर्राष्ट्रीय मिलेट्स वर्ष घोषित कर्यूं च।

मुख्यमंत्री न बोलि कि ‘श्री अन्न ’ खेती तक तक ही नीं च, उन्न बोलि जख श्री हूंद वख जस, समग्रता अर सदनि जीत हून्द। इल्लै प्रधानमंत्री न मिलेट्स तैं ‘श्री अन्न ’ ब्वाल। श्री अन्न मा पौष्टिक अर औषधीय गुण बि हून्दन।

मुख्यमंत्री न बोलि कि प्रदेस सरकार न मिलेट क खेती तैं अगनै बढौंण अर म्वाटु नाज तैं खाण मा सामिल करणा खूंणि 73 करोड़ रुप्या स्टेट मिलेट मिशन खूंणि दियां छन।

जैविक कृषि क दगड़ा-दगड़ि राष्ट्रीय प्राकृतिक कृषि मिशन योजना तैं क्रियान्वयन प्रदेस क 11 जनपदु मा ऐसु क साल सुरू कर्यें जाणु च।

त वखि उत्तरप्रदेसा कृषि मंत्री सूर्य प्रताप शाही न बोलि कि उत्तराखण्ड मा पूरणा जमना बटि ‘श्री अन्न’ खेती हून्द।

कृषि मंत्री गणेश जोशी न बोलि कि मुख्यमंत्री धामी क नेतृत्व मा प्रदेस मा मिलेट्स क तोक मा लगातार काम हूंण छन। जैविक खेती क तोक मा प्रदेस अच्छु काम करणु च। उन्न बोलि यां खूंणि उत्तराखण्ड तैं लगातार द्वी साल पैळु इनाम मिळि।

ऐ मौका फर विधायक श्रीमती सविता कपूर, बृजभूषण गैरोला, सुरेश गड़िया, किसान आयोग क् अध्यक्ष राकेश राजपूत, किसान मोर्चा क अध्यक्ष जोगेन्द्र सिंह पुण्डीर, भाजपा क जिलाध्यक्ष सिद्धार्थ अग्रवाल छायीं।